وطن

: ياقف على سورك مليك وشعب ضد اعداك
حدودك في شرايين الرجال اللي تعززوا بك
وطن: ما يلحقونك ربك اللي بالشرف علاّك
وحطك قبلة اسلام البشر والنور بكتابك
وطن: طيب الملك قادك وعلا ّ منزلك وارضاك
وصافحت الغمام بهيبتك واسمك وباحبابك
وطن ما يرخصك بقلوبنا مجرم ولا نمّاك
يهيجنك الكبار وطفلنا في المهد غنّا بك
وطن: وشلون ترخص بالنفوس وجعلها تفداك
وفيك اجدادنا اللي وحّدوك وشدّوا اطنابك
وطن من عاش بأرضك ما يخون ومن ربى بحماك
ولا يطري علينا من ربى بحماك يسخى بك!
وطن: حنا نوايانا شريفة كنها مبداك
عشان قلوبنا مفطورة ً من ماك وترابك
وطن ماهو ب منّا من تطاول هيبتك وابكاك
هبى لو هو تسمى والتحف باسمك وجلبابك
وطن: لا عاشوا اللي باغتوك بغدرهم وأدماك
وطن: لا عاش من دنس ثراك وطهر محرابك
وطن: لا يزعجك لو دمنا مثل المطر يغشاك
ترى حنا نموت من اجل نشتالك ونرقّى بك
عليك الله وامانه والردي من يا وطن خلّاك
سكنت ارواح شعباً يحتميك وخاب طلاّبك