عبث

أكثر أشيائي
عبث
وأجمل الفوضى
رحيل
هم
كرّاس وْقلم
رزمة حروف وصهيل
وآه
والزحمة مشاعر
مالها في البال آخر
وكل ما اكتظت في صدري
واصبحت مثل الغيوم
أو مساحات النخيل
ما يغرّد غير
جرحي
وما ألاقي غير
دمي
من عصافيرك يسيل
واذكر اذكر
أيه أنا أذكر
أذكر إن العشق.. طفل
طفْل دايم يحطبك
مدري يحطب صورتك
ويوقد عيوني سهر
وانت في يديه ملامح
كل ما ضوّه احتضر
جابك لرمشي وأسامح
أيه أسامح
كل ما أتخيّل خطاك
أيه أسامح
وألقى في غيابك معاك
متعة فنبش الجراح
لا غدا وجهك صباح
وآه
يا تعباً يجيني
كل ما امتدت يميني
وحدي اللي في الوجود
وحولي أشواك وورود
وأكثر أشيائي عبث
أكثر أشيائي عبث