الى امرأة كانت مجرد صوت... مجرد حلم

صوتك عصا فير وأغاني للصغار
صوتك عمار... طول وقلبي انهدم
نسيت وشلون النهار
ومليت من هالانتظار..
والحزن هذا صوت اما نشربه
والا شربنا...باختصار
اليوم جيتي تفتحين الشمس عن جرح الزمان
لا تاخذيني للزمان.. خوذي دموعي..
وان سالك انسان عني.. قولي البارح تركته..
شارد ومنهار....
يا تضاريس الوجع.... هاك الجروح وعد
الظاهر اني انا.... والموت دمع وخد
من يبكي لغربتي.... يبكي على روحي
وشلون انا اللي رميت الناس... لجروحي
ماشفت منهم... رد...
وشد قلبي .......شد
هذا انا الممتد....حد الغيم والتشريد
ماالقى لعذابي ((حد))..
صوتك:1) طريق اخضر..
2)فراشات الربيع...
3)وغابة النعناع..
4) وغيوم الصحاري..
صوتك اللي يطفي الياس ويوديني
على يدين الاماني..
صوتك الا منين جاني..
كلما قربت اموت من العنا...
يهدني ويشب ناري..
آه.... صوتك فيه شي
ماعرف هو ايش.... مثل لون الضي.
لكن اللي اعرفه.. عذب وحزين..
مدري كيف الحزن جاك
هذا المارد اللي لازعل
من سالفة اثنين :
شيبهم كذا
حطمهم كذا..
كن ماداست خطاويهم على قلب السنين
انا عقبك تعرفين.... ماني اللي تعرفين...
ناسي شكل الشوارع.. والاغاني... والشجر
ماعرف ياكود شي ادري اني اعرفه
اني اعشق صوتك اللي لانهدم عمري نقلني.... للحنين
وللزمان الحلو... لين اشوفك واقفه بين المواكب..
شارده...
ياحبيبة روحي اللي سافرت..
مدي ايدك للزمان وصوتي له...
وين تمشي..
ليه تطحنا....وحنا تونا باول نهار.
آة.... صوتك يا عمار...
شي.. كيف.. اتصوره
كثر ماصرت اعشقه عليه أغار..
((كاسي)) اللي كلما حاصرني الخوف وزمان العجز..
شربه..
وانهار..
يا حبيبه... تذكرين البارحه سولفت لك
كني المح ضحكة عيونك ورا ليل الرياض..
قلتي ايه....
((كيفك انت)).. انا والله كنت ((مفتكرك))....
وصاحت الايام....
لاصوتي يساعدني على لم الكلام اللي تعثر..
ولا دموعي تختصر في المواجع حتى ابكيك بسلام..
يا حبيبي لا تعاتبني.....
انا ماعاد فيني شي.. يستاهل عتاب..
اعرف اني بعدك انسان تجرد من زمانه...
وانتمى لعصر الخراب..
وانتمى لعصر الخراب..
صوتك آه....و صوتك شمس...
لو تشوف البرد يجلدني وكافرها الحزن..
والليالي موحله باالهم...
وكفوف النهار اللي تسافر ليتها تاخذ عيوني
عند لحظة حلم..
انا هارب من ظروف الامس...
ومن جروح الامس...
ماكفاك اللي نزفت.... وشتريد اكثر...
الشعر ماعاد فيني....
والامل ماعاد فيني...
انا روحي خاويه...... ماظل فيني نفس..
البارحه غنيت..
ماعرف من أي ارض تشدني نسمة هواك..
وجيت...
ياصا حبي وين انت...
ماحد تعلق باالسراب الا انا اوانت...
الله ماابسطنا...والله مااسخفنا..
اثنين مروا من هنا كانوا رماد ونار
فيهم جنون صغار..
وفيهم جموح كبار..
وفيهم جروح كثار..
والحزن فيهم يبت...
وجيت :
ادور وجهك اللي يمتلي باالصبح والاحلام
ابيه يهد روحي لين يبني شمسك بروحي
حبيبي تدري انك يوم تشرق تضحك الايام
اذاانك غبت اشرق باالظلام وتنبت جروحي
تعرف ان جيتك صحت وراها همي اللي نام
اظن الشعر توه زان بك خذ لآخري نوحي
•••••
آه صوتك بحة ياهي غرام..
عقبها تسكن عيوني...
وافرش لحزني.... وانام..
ايه صوتك كلما ضيعت روحي... يكتشفني..
خاض بي حرب التناقض...
يلقى بي واحدوصولي..
ويلقى بي واحد فضولي..
ويلقى بي واحداصولي..
يوقف الدنيا على حد التطرف والظلام
ومره مع حريتي... آقف على حد الهيام.