(العدل مفتاح القلوب ودواها)

ابان تشريف صاحب السمو الملكي الامير عبدالعزيز بن ماجد بن عبدالعزيز امير منطقة المدينة
المنورة للحفل الذي اقامه على شرف سموه الشيخ خالد بن محمد الاحمدي في وادي رحقان بقرية المسيجيد اثناء
رحلة سموه التفقدية قبل عدة اسابيع،كان من بين فقرات الحفل هذه القصيدة التي ابدعها الشاعر سعد بن نغيمش
الاحمدي بهذه المناسبة وفيها..يقول:
أبدأ بذكر مدبر الكون بأحسان
رب العباد اللي مسير خطاها
يامرحبا حييت ياصقر شيهان
من موقعا لصقور زايد غلاها
ترحيب باسم الشيخ خالد والاعيان
عد النجوم اللي علت في سماها
ياميرنا بقدومك الكل فرحان
فرحة غلا لقلوب مبلغ مناها
يامير منك الطيب فالوجه عنوان
ورثت من ماجد صفات حواها
لعل له في جنة الخلد مسكان
في جنة الفردوس فأعلى بناها
عطفك على الشاكي اذا جاك حيران
تشفي الجروح ويرتوي عن ضماها
تسمع لمن يأتي بحجة وبرهان
وتردع اللي قاد نفسه هواها
حرا كريم.. من سلالة كحيلان
نسل الملوك اللي يذري ذراها
ماشي على منهج ذريفين الايمان
من يوم أبو تركي تولى حماها
محكمين الشرع سنة وقران
دستور ميز دارنا عن سواها
اللي لهو في السلم موقع وميدان
وفرسان حرب.. لن درات رحاها
عهد الجهل والظلم قفى بالاضعان
من يوم عهد الحق نوره جلاها
صقر العروبة في الملمات له شأن
له نظرة ما الكل يدرك مداها
وأخوانه اللي له على الخير عوان
عز البلاد وضد منهو نواها
يانعم لاجاء ذكر نايف وسلمان
الامن مع جيش الوطن هو حماها
الشعب عاش بحكمهم بأمن وأمان
وبعض الشعوب اليوم تشكي عناها
والعدل ساس الملك في كل الازمان
وحكامنا بالعدل علو بناها
في ظلهم نلبس على الصدر نيشان
ونعيش عيشة عاليا مستواها
ونجدد البيعة ونعلن بها إعلان
مادام راية موطني في سماها
للقائد اللي عنده العدل ميزان
والعدل مفتاح القلوب ودواها
والديرة اللي تلبس اليوم مرجان
في جيدها عقدا مزين حلاها
فيها النخيل الباسقة تعزف ألحان
بوجود منهو حين تطلب عطاها
وصلاة ربي عد ماهل هتان
على الرسول اللي للأمه هداها