الوطن غالي

والسما تمطر وحنا مسلمين
ما نهاب الموت واخطار الحروب
نعرف المولى ونشهد به يقين
من بغانا سلم نمشي له وجوب
نكرمه ما دام للجيرة امين
والذين خاين نولم له شبوب
تأكل اثيابه وراسه واليدين
حن رجال الحرب في وقت الهبوب
والحديد انطوعه حتى يلين
نعرف الهيجا ومخراج الدروب
وان دعانا جار حنا حاضرين
شمسنا تشرق ولا ترجع غروب
تكشف الخافي وفي الظاهر تبين
تنطلق لاجات دكات الخطوب
مثل سيل يطحن الوادي طحين
لا بغى سلمان نمشي له جنوب
حن على دربه ولامره طايعين
ندرك الحوثي ومرتاد الذنوب
نقطع امداده وحبله والوتين
دولة ابن سعود عا العالم تنوب
في لزوم الحق للدنيا ودين
نجدة الجيرا حق له ندوب
لا نخان الجار حنا والمين
يا ملكنا سر بنا في كل صوب
حن رجالك للشدائد قادرين
ابشر بعزك وسعدك والقلوب
كلها تفديك ضد الطامعين
والمعادي لازم يرجع ينوب
حتى لو طول لدحره عازمين
نكتم انفاسه ويرجع للهروب
والروافض مع دروبه صاغرين
الشاعر: محمد بن فراج بن سامره الشهري