خواطر من فوق السحاب

دار الافتاء المصرية اطلقت حمله مهمه جدا وبلغت بها كل صحف و مواقع و فضائيات العالم و هي استبدال كلمة الدولة الاسلامية من داعش بالدولة المنشقة عن القاعدة فيصبح qsis بدلا من isis زى ما بيطلقوا عليه بره و ده طبعا لتبرئه الاسلام من كل البلاوى اللى بتتعمل بأسمه !!!! امبارح كان معايا اتصال من احد شيوخ الازهر و اكدلى انهم بيبعتوا ناس و ايميلات و كل اللى يقدروا عليه لتوصيل الرسالة ودعم الحمله ف كل دول العالم و اكد ان ف الجيل الرابع من الحروب بيتم استخدام مصطلحات بعينها و بتكون مقصوده لتشويه اى معنى او رمز او ديانه و ده اللى بيعملوه بتوع داعش او بوكو حرام او غيرهم .....و على رأى احد قاده داعش ف بريطانيا لما كان بتحقق معاه قال ان اقناع الناس بالقتل من اجل هدف (زى من اجل الله مثلا) اسهل بكتير من ال (لا هدف )او من اجل تحقيق مكاسب وقتيه !!!!و ده بيأكد ليه معظم الجماعات الارهابيه اسمائها فيها تمسح بالدين بأى شكل (نصره الاسلام) (الدولة الاسلاميه ) (جنود محمد ) (انصار السنه ) وده طبعا عشان يبيعوا الوهم للشعوب (المتدينه بطبعها ) واللى كلمة دين بتجبلهم حساسية و يخافوا يستخدموا عقلهم للحظة لحسن يلقوا فى جهنم و بئس المصير !! المهم ان بالفعل الحملة دى نوهت عنها كتير من الجرايد و الفضائيات الاجنبيه لكن الاكيد ان لحد دلوقتى محدش بيعمل بيها !! ماهو مش طبيعى بصراحة تقنع الدول دى مايقولوش اسلامية و مسلمين و اسلامى و احنا يا مسلمين بنقولها عادى رغم اننا عارفين انهم نصابين !!
**********
هو الاخ الدكتور الباشمهندس اللي اخترع الموبايل و اخذ يمأمأ عينه و يفنن و يفحص و يمحص و يبتكر و يجود و ينتشر و يستمر ..مكنش عارف يتنيل يقعد نص ساعه زيادة يظبط البطاريه !! خلاص...جه عند البطاريات و مخه وقف !!؟؟؟
إعلامية بالتلفزيون المصري