( وجه النور )

متعب النصار شاعر شمالي خص (ملامح صبح )في أول تواصل له معنا بهذا النص ( وجه النور ) وندعوكم لمشاركتنا قراءته حيث يقول:
طاح وجه النور عن عتم الظلام وباحّ سدّه
وانكشف وجه الحقايق بانكشاف قناعها
راعي العلّه تبيّن علّته بأدنات شدّه
والمسمّى بالنهار الصعب روحه باعها
لاتلاطم يابحر جدّه ترا ماهيب جدّه
العروس اللي تخبرها رمّلوها سباعها
مير موجك لايجينا محتمي والوضع هدّه
لو تبرّق بالعروبه ماهدنّ أوضاعها
الأمور معقّده والناس ماهي مستعدّه
والهقاوي نوب ترقى ونوب تاصل قاعها
يالأديب الفذّ بمرايتك مثلي لاتحدّه
الجمل ماله مراره تحتملك أوجاعها
إن رماك الهاجس الخاوي بسهله مجرهدّه
يكفي العالم لجاجه لاتزيد صداعها
كان طيرك مايلاوح للثريّا لاتهدّه
الطيور اللي تنومس بينن مطلاعها
القصيده يوم تكتب بيتها بيّن مشدّه
والعرب ماكل شيٍ له تدير أسماعها
أطلب العلم وتوكّل بالولي والحلم بدّه
واليدين اللي تناوش حلمك ألو ذراعها
من تعزوى بالسلف ماينفعه خاله وجدّه
الفعول الماضيه للجدّ صعب أرجاعها
الفتى مايظهره باللازمه ياكود يدّه
والعقول النيّره يقرا الفهيم إبداعها