ياخادم البيتين فعلك والمواقف تحتدم

ياخير أُمه أُخرجت للناس من بين الأمم
تنهى عن المنكر وتامرنا على النهج القويم
ياأمة إقرأ أُمة الاسلام والسيف القلم
بإسم الذي خالق جميع الكون رحمنٍ رحيم
سبحانه اللي علّم الانسان فيما لاعلم
سبحانه اللي فوق مالانعلمه هو العليم
اللي ومرنا نُوجد أُمه في كتابه تحتزم
أمرٍ إلهي من كلام الله قرآنٍ كريم
ياللي تبي طمس الحقايق والمبادي والقيم
مالك مكانٍ بيننا ياصاحب الفكر العتيم
وش الذي وصل بلاد آل السعود إلى القمم
غير إنهم من ناصر الإسلام في وقتٍ عديم
ياللي جهلتو كلمة العوجا عساكم للصمم
هي كلمةٍ تعني سلوكٍ للطريق المستقيم
يوم ان ضيعها الذي ضاعت عليه ولاسلم
يفطن لها رجلٍ يحب الخير في عقلٍ فهيم
يوم الامام محمد بن سعود فكّر وافتهم
يوم الولي له رادها ثم قادها بفكرٍ سليم
ناصر مجدد دعوة الإسلام في كسر الصنم
لين اشتعل نور الهدى في حالك الليل الظليم
ماهم حديثين العهد لا والله إلا من قِدم
واجهودهم في خدمة الاسلام موروثٍ قديم
خِدّام لطباعة كلام الله وخدام الحرم
في وسط منبع ديرة الاسلام في قلب وصميم
ياخادم البيتين فعلك والمواقف تحتدم
يشهد به العالم بأسره في تصرفك الحكيم
ونايف ليا منه فزع للحق ثوراته حمم
تحرق هل الباطل وتحرق آهل الفكر العقيم
وسلمان فعله في يمينه يبتري فيها الألم
يمناه بيضا دايمن وتكفكف دموع اليتيم
والتجربة باحفاد ابو تركي يدونها القلم
بقولها مادامني واحد من أهل القصيم
فيصل ولد بندر عساني ماخلا ولاعدم
انصافه وعدله تظللنا سحابة ظل غيم
ومادامني في هيئة الإسعاف وافخر وابتسم
واشوف في عيني فعولن تستديم وتستديم
فيصل ولد عبدالله اللي بالمواقف لااحتكم
اسوق عمري له فداوي سوق والله العظيم
الكل منهم ماشين في درب من قبل انرسم
يمشي بخطاوي من سبقهم في خطاوي خير ديم
وياللي تبي طمس الحقايق والمبادي والقيم
مالك مجالن بيننا ياصاحب الفكر العتيم
وش لون تطلبنا التعاطف وانت معدوم الشيم
وش لون تطلبنا التعاطف وأنت في وجهٍ لئيم
وان كان قصدك شرع رب الكون في عينك خصم
أبشر بحكامٍ بشرع الله يصدون الخصيم
والشعب صامد مع مناصرت الشريعة بالحكم
ماهمنا حكيٍ يدنسه المحرض والغشيم
واختامها صلو على المختار من بين الأمم
اعداد ماهل المطر واعداد ماهب النسيم
عبدالعزيز صالح مضحي العوض