( وطن رده )

الاهداء: الي الشاعر الجميل رده السفياني..
اقرب سحابه من الطايف وطن رده = موعد مطرها تناهيده ورعاده
أول من اهدى على المينا بحر جده = ً لبّس نحور الليالي عقد وقلاده
تضماه الايام واضماه ولنا مده = نسهر بحرفه وفنجال الألم ساده
ايقظت مستوطن المنفى عقب صده =صوتك اعرفه وليلك كنت معتاده
الحلم يسدل جناحه والهوى ضده = ماهمه يموت وين بجفوة بلاده
الله خلقني مدى للبعد والشده = واحيان احن لصباي وعذب ميراده
طيش الخطاوي سنابل قمح ممتده = ماخانه القمح لكن خان ميلاده
اشبه لبعضك ليا سافر ولا وده = واشبه انين اكثرك لاتاه ميعاده
طفلٍ يودع وجيه ولوّحت يده = بقياد غربه والين اليوم بقياده