( الحر النبيه )

(الحر النبيه ) نص يشاركنا به الشاعر حمود الجابري والذي ينتقد من خلاله بعض مايردد فى المجالس من كلام لايعتد به وندعوكم لمشاركتنا قراءته حيث يقول:
مايزعزع خاطر الحر النبيه = غير هرجة جاهلً ماعدها
يستحي مقدارمن بعض الوجيه = كلمةً في خاطره و يردها
ضيع الهقوه و ضيع مايبيه = و لا حفظ قدر الرجال وودها
لو كسب ذكر الوفاء جده وابيه = واعتزى بين العرب في مجدها
ساسها بالطيب و القدر النزيه = و المصيبة كان مثله هدها
الولد ان طاب ذكره يحتميه = ووقفته بين الرجال يسدها
حي راسً لا وصلته تنتخيه = حاجتك من طيب راسه مدها
يحتزم من دون لازم من يجيه = ماتعذر لو تعدت حدها
مايعقّد دون ربعه حاجبيه = اللوازم بينهم لا بدها
وافيً بالطيب يرحم والديه = ينثني دون العداء ويضدها
لااحتمى الموقف ولا وصلت اليه = السيوف المرهفات يحدها
ولا جهل حق الخوي غير السفيه = كلمةً في خاطرك له بدها
كان من دون الوفاء تقصر يديه = وسمعةً بالطيب ماهو قدها
من وصل عنده يسلم لي عليه = سمعته بين العرب لا يعدها