سيّد الغيّاب

(عايد الشمري) شاعر عذب اتسم بالابداع وتميز من خلاله، اقرأوا له في (سيّد الغيّاب) لتدركوا مايختزله من ابداع وشاعرية مميزة.. يقول:
فمان الله ودروبك خضر, يا سيّد الغيّاب=توكّل ياعسى درب السعاده يمّة دروبك
فمان الله ماعاد الخفوق العاشق المنصاب=يبي منك دواء, والجرح من تهليلة ذنوبك
لك الله ماحسبْت لكل جرح ٍ بالخفوق حساب=ولاقد قلت يا خنجر عذابي طالبك دوبك
احس اني اموت بعز نفسي والمصير اسباب=ولا عمر ٍمداده ذل نفسي وابشع عيوبك
تبيني في رجا رحمة خفوقك والهوى غلاب!!=واحط ايدي على خد المذله باسم مكتوبك!!
لي الله عنكْ طاب الجرح ولا ياعسى ماطاب=مدامك تعشق الغربال لاشفته بمحبوبك
ياخوي الله يبي يفتح لقلبي من بعدك ابواب=ولا تهتم , محسوبك ولد, لاصد محسوبك
كفايه من ثلاث سنين سمّك بالضمير انساب=تفننت الجفا والصد والحرمان باسلوبك
وهبتك قلب ماذاق الخيانه من يدين احباب=ذبحت احلى القصايد حب لحسابك ومطلوبك
اهج الليل واسرج لك خيالي للوصال ركاب=وتنام الليل كلّه بين لعباتك ودبدوبك
تعبت ولا بقى فيني مساحه والقلوب اغراب=ولكن كلها جرحين واسلى عنك وآتوبك
صبر تكفى تجملني مدام اني قفلت الباب=طلبتك لاتبيح اسرار حزني للتفت صوبك
واذا قفىّ, فداك البوح, مايبخل على الطلاّب=حرام الاّ يجي مسحوب صدري زيّ مسحوبك
مدام انه رحل وانت الصمود اللي وقف ماذاب=دموع عيوني الثنتين فدوه في ثرى طوبك
انا وانت وذعاذيع الشمال وياعسى من غاب=موفق, والعزا بالجرح يبرى عند محسوبك