وسط حضور جماهيري كبير : شاعر المليون وسفير الوطن زياد بن حجاب بن نحيت يلبي نداء بريدة شعراً ويتألق في أولى الأمسيات الشعرية لمهرجان بريدة الترويحي

ابتدأ شاعر المليون زياد بن حجاب بن نحيت أولى الأمسيات الشعرية لمهرجان صيف بريدة الترويحي 30 " بريدة وناسة " مساء الأربعاء وسط حضوري جماهيري كبير غص بهم مسرح الملك خالد الحضاري تفاعلوا مع شاعرهم زياد ليعيشوا معه ليلة مختلفة في سماء الإبداع الشعري ، وبدأت الأمسية الشعرية بتقديم عرض مرئي تذكيري عن فارس الأمسية وحصوله على لقب وبيرق شاعر المليون في نسخته الثالثة ، وصافح الشاعر زياد مدينة بريدة ونجد ببيتين من الشعر :
لبيه يابريدة ويانجد لبيه
عشقي من أيام الصبا والطفولة
فقدت صوتٍ خمس مرات منشيه
صوت المآذن لأرتفع وش يطوله
ثم بدأ عريف الأمسية الشاعر المتألق محمد الضالع الذي أبدع في تقديم فارس الأمسية قبل أن يطل عليهم وسط تصفيق ترحيبي حار قابله به جمهور الأمسية ومتذوقي الشعر الذين حضروا من وقتٍ مبكر لضمان الحصول على مقاعدٍ لهم ، وبعد أن رحب سفير الوطن وشاعر المليون وزياد الشعر بالجمهور وشكرهم على تفاعلهم بدأ إلقاء أول قصائده والتي كانت في خادم الحرمين الشريفين بعد تكريمه له بعد حصوله على بيرق شاعر المليون ومطلعها :
الشعر موقف والشعر ان كان ماهز الوجود
وش ينبغى به وأشهد أن ذي فرصة وأنالها
يا خادم البيتين لك منا مواثيق وعهود
نمشي بدرب أجدادنا ما يختلف منوالها
يا الحاكم اللي كل ما زادت به الدنيا يزود
حب ووفا للديرة اللي نستظل ظلالها
تامر علينا كلنا وحنا تحت أمرك جنود
لله ثم للديرة اللي ما نسينا أفضالها
والله ما تلقى بيننا يا سيّدي رجلٍ شرود
حنا الشجاعة شاربين باللقا فنجالها
ثم أتبعها قصيدة جديدة في سمو أمير منطقة القصيم بعد تكريمه له أثناء افتتاح المهرجان وقال الشاعر زياد أنه كتبها على عجل ومن ضمن أبياتها :
كرمت يامن يستحق الكرامة
مكرم زياد ومكرم مكرمينه
يامكرم أهل المنطقة بالشهامة
راعي اليدين الطاهرات الأمينة
حببتنا بأعمامك أهل الزعامة
زود على حب لهم حاملينه
يأميرنا اللي مايغيّر نظامه
صدقه وعدله وانتظامه ودينه
إلى أن قال فيها :
وفيصل ولد مشعل يمينه حزامه
إن غاب ناب وفي وجوده يعينه
يشبه ولدعمه ويشبه أمامه
في مليقول وتخطه يمينه
التزامه بالعمل واهتمامه
الشكر منا له ولمساعدينه
بعد ذلك سافر فارس الأمسية وجمهوره عبر بوابة الشعر إلى باريس ليقف بهم في شارع الشانزلزيه عبر قصيدة مطلعها :
هذي بداية شارع الشانزلزيه
هذي نهاية للحياء والرجوله
جينا نشوف ناس وش عينوا فيه
ناس تقل تأخذ بمليه عمولة
مليان من رأس لحد رأسه ليارجليه
فيه الآوادم حد من كل دولة
وللقصص الطريفة في حياة الشاعر حكاية وذلك عندما لم يشتري له والده "دباب " عندما كان صغيرا في عمر تسع سنوات وكتب له قصيدة يتوسل إليه فيها أن يلبي طلبه قال فيها :
أرجوك ياحجاب ياولد عبدالله
تلبي طلب واحد كله عظيمات
ياحجاب جيتك طالب مطلوب
لب الطلب مرة من المرات
وكأنك ماتعرف الدباب
تراه حديدة تحته كفيرات
وكأن قصدك الدراهم
هذاك تبني منها عمارات
وعندما عرف أحد معارف والده محمد الغماس اشترى له دباب فقال البيتين :
مشكور يامحمد الغماس
ياللي تبرعت بالدباب
أشهد انك غريب أجناس
أبرك من أيوب ومن حجاب
ثم ألقى قصيدته الشهيرة " اليأس " ومطلعها :
أنا اللي للأسف عايش على هامش حياة الناس
حياة ما لها قيمة وأنا مجبور اجاريها
أنا من عاش بالدنيا طموحه رابطه باليأس
ولو بيدي حلول لحالتي ما احتلت أسويها
أنا كتله من الهم ومن الحزن ومن الهوجاس
مشاعر شاعر ما تعترف بشعور راعيها
أنا حس فقد حسه ومعنى الحس والاحساس
معاني ما لها معنى وتبحث عن معانيها
وواصل الشاعر زياد بن نحيت التألق والإبداع كما عهد عنه وأطرب مسامع الجمهور ومتذوقي الشعر الشعبي من الجمهور بقصائد غزلية من ضمنها قصيدة معروفة له مطلعها :
أنا مشكلتي إني لا عشقت اعشق بدون شعور ..
أصير من أمس الأول صيدة(ن) بيدين محبوبي ..
أهيم ببحرها وأبحر ولو ماني خبير بحور ..
على وجهي ولا أدري وين مرسايه ومكتوبي ..
هنوف (ن) دربها شوك وغرابيل وشقا وعثور ..
أبمشي صوبها وأقبل مدام عيونها صوبي ..
وأبكتب في محبتها قصيد(ن) يطرب الجمهور ..
مدام أني مع الشعار شاعر مالي(ن) ثوبي ..
لها خصر(ن) نحيل(ن) يرتطم به شعرها المنثور..
لها عنق(ن) طويل اليا انحنى غنيت مسحوبي ..
كما ألقى قصيدة مطلعها :
غلطه قديمه وانتهت لكن بقا الجرح العميق
اللي يبي يبقى على مر الليالي مالتئم
آسف لاني ماقدرت اصبر وغيرت الطريق
وآسف لاني ماقدرت افهَم اللي مافهم
بركت للحمل الثقيل وطقت لو ماكنت اطيق
من شان لاقالوا زياد يقال والله والنعم
لكن نعم مفعولها ماياصل يدين الغريق
اللي لمد ايديه للي مايطيقونه سئم
ولاعاد يسوى في عيونه لازفير ولاشهيق
شيء يجي , تقفاه منه يقطعه لوهو نسم
مسرح جريمة قصتي اكثر غموض من الحريق
اللي تضيع به الدلائل والقرائن والتهم
واختتم الشاعر أمسيته بقصيدة حول إصلاح ذات البين كتبها في أحد الأشخاص قتل له أثنين من الأبناء وجاء في مطلع القصيدة :
تبت يدين مجمعين الملايين
اللي يبيعون الأوادم بالأموال
وعاشت ايدين الطيبين الميامين
اللي شروا بالطيب وقفات ورجال
علمتنا ياحمود وش يعني اللين
وذكرتنا بتاريخ وأمجاد وأبطال
علمتنا وش معنى اللطف واللين
في ساعة فيها البلاوي والأهوال
علمتنا وش يعني الزين والشين
فهمتنا وش تفرق النون والدال
ثم تم تكريم فارس الأمسية الشاعر زياد بن حجاب بن نحيت من اللجنة التنفيذية للمهرجان .
شبت التسبد انهم ماحطوا مكان للحريم وه نبي نروح نشوف الوجه الحسن هههههههههههه اول مره اتمنى اصير حربيه
والنعم يابو طارق الله يوفقك شاعر وتستاهل
أمسية رائعة بروعة فارسها شاعر المليون زياد ابن نحيت الحربي
انا اقول غير شعر بندر بن سرور لا يوجد شاعر حتى اليوم يجاري سهولة شعره وكبر معناه هذا الشعر ماهو تكشخ وترزز اتحدى واحد يقول اني غلطان
والنعم بك يابن نحيت سفير مملكتنا , بيضت والوجه يا لحربى والنعم بك و بلبتك . j
والله ياهي قهههههههههههههر
قسم بالله قهههههههر ماحضرت
ويستااااهل بن نحي حب هالجمهوووور
بيض الله وجهك يابن نحيت
شرفتنا في القصيم
وشرفتنا في ابوظبي
لاهنت ياشاعر حرب الكبير
هلا وغلا ياشاعر المليون بريدة نورت
الى الامام ياشاعرنا المحبوب وياسفير الوطن الجميل المبدع
بريده آآآآآه يابريده والله كبيره يابريده وتستاهلين فحول كبارمثل النجم الكبير
الذي أسرقلوب عشاق الشعر جميعهم شااااعرالوطن زيادبن نحيت
مشكور يامحمد الغماس
ياللي تبرعت بالدباب
أشهد انك غريب أجناس
أبرك من أيوب ومن حجاب
سويليفات أم العنزين
إلى أخوي الناقد الصريح
وراك طفشاااااان وراك منقهر
الدباب في بداية شعره وهو صغيرا
وانت اتحداك تجيب بيتين مثله وانت كبيرر
لكن ..........................
إلى الامام يازياد الشعر
بالتوفيق يازياد بن حجاب بن نحيت الحربي