أمانة القصيم تقيم القرعة لأصحاب المنح السبت القادم و تدعوهم للحضور.

تقيم أمانة منطقة القصيم يوم السبت القادم الموافق 29-1-1433ه القرعة للمواطنين الذي سبق أن أعُلنت أسمائهم لمنحهم قطع أراضي سكنية بمدينة بريدة. و أكد المتحدث الرسمي لأمانة منطقة القصيم و مدير إدارة الإعلام يزيد بن سالم المحيميد أن القرعة سوف تقام يومي السبت و الأحد في تمام الساعة التاسعة صباحاً و دعا المواطنين المعلنة أسمائهم في موقع أمانة منطقة القصيم الإلكتروني لحضور القرعة في مسرح مبنى وكالة الأمانة للخدمات، مؤكداً أن الحضور اختياري و سيتم إعلان تفاصيل القرعة لمن لم يتسنى له الحضور في مقر الإدارة العامة للأراضي و الممتلكات.
تجدر الإشارة إلى أن أمانة منطقة القصيم قد أعلنت الأسماء قبل 60 يوماً و البالغة 766 مواطن تبعها فترة استكمال الإجراءات النظامية و استلام المستندات المطلوب ، و بالإمكان الإطلاع على الأسماء المعلنة عبر زيارة موقع الأمانة الإلكتروني: www.qassim.gov.sa
ياجماعة وين اللي مقدمين من 1416 ه حرااااام عليكم نشوف بزران ما خط الشنب بوجيههم يفرغون اراضي المنح بالمحكمة . منين ووشلون قدروووا ياخذونها ؟؟؟حسبي الله على الضالم..
مالها داعي ياعاجل كل التكبير لصورة
شفلنا تكفى الدفعه الي بعده تكفى
لا تأخرون في الأعلان عنها
ولي طلع له ارض الله يبارك له فيها
والله يفك الأرض الي في النقيب الي عليها مشكله منذو مايبقارب السنتين والنصف
اذا رحت للبلديه قالو عند المحكمه و اذا رحت للمحكمه قلو عند البلديه
همن ارجع للبلديه قالو مو عند المحكمه هذي عند التمييز في الرياض
طيب ياناس ياعالم معامله اخذت وقت طويل جدا ام عطو الناس اراضيهم او غيروهن لهم
حرام عليكم الي تسووونه في المسلمين
يارجال تلعبون علينااا.
.......
ياليتهم ينظرون لنا بعين الاعتبار انا مقدم على منحه عام 1423 ولحد الحين انتظار هل يعقل هذا الكلام طبعا في بلدية محافظة رياض الخبراء وانشاء الله يوم الاثنين القادم موعد الجلسة مع طويل العمر وانا معاي استبيان باسماء المقدمين للاراضي وكذالك مواقع مصادر المياه الي بمحافظة رياض الخبراء ومواقع اخرى تما تجاهلها وكذلك اسماء موظفين ببلدية رياض الخبراء سوف يتم فضحهم امام طويل العمر لان الادلة مستندات خاصة وتسجيل صوتي تدينهم بانتهاكاتهم للامانه التي تم استئمانهم عليها لكنهم خانو الامانه
واحب اقولهم لمو عفشكم وانتظرو القبض عليكم هاليومين من لجنة الفساد باذن الله
والله ولي اتوفيق
عقبال المنحة
نلاحظ ياصحيفتنا
بأن هناك أسماء متكرره
كذلك من عائلة واحده
وانا قدمت منحه اكثر من ثلاث سنوات
ويقولون ماجت اسماء
هل هذا يعقل 
مبرووووووووك يستاهلون بس عندي ملاحظة يايزيد والنعم فيك بس لو احسن حاط شعار الأمانة افضل من صورك الشخصية لأن المتلقي أو المتصفح بالمعنى الاصح يحسبون ان الموضوع شخصي لك ... تحياتي
حنا أبناء محافظة المذنب نطالب المسؤلين أنصافنا جميع محافظات القصيم تمنح كل عام ومحافظة المذنب لنا سنوات بقائمة الأنتظار تقديمنا عام 1418 لم يحلفنا التوزيع حتى هذا الوقت الصندوق العقاري منح هذه الأعوام وقسم الأراضي لا يزال في سبات أين المسؤل من هذه المطالب .
مبروك لكم يا أهل بريدة وعزائنا للمقدمين في بلدية المذنب !!!
ماعند السلطان خير وهو يكيل بمكيالين خاصة من يتوظفون جدد تلقى اشخاص يتقدمون على وظائف بندومن ثم يختار الذي لديه واسطه وغيرة المسكين المجتهديكنسل ولو انه صاحب معدل مرتفع بحجة انه بدوي (قبلي)
بالنسبة للي يسال عن 1416ه
ان منهم
ورحت للامانة سنين اتردد ماطلع شي واخرته القنيعان الاسمر يقولي ضاعت اوراقكم ولا ندري وينه ولا نعرف عنه شي قدمو من جديد
بعد اكثر من 15 سنة سرى يقول قدموا من جديد
اين الامين عن مهزلة الهبدان الذي هبل بالناس وتجيه ترقية
اول مره اشوف موظف عليه ملايين الشكاوى لغشه بالاراضي وتجيه ترقية
فيه ناس من هذه الدفعه من عام 1411 وتوه تجي يعني رددوا
وبالنسبه للصوره لا تعليق
ياجماعة انا من سكان مدينة بريدة وقدمة على منحه من خلال الديوان الملكي عن
طريق البريد ولم ياتي لي حتى الان منحة وانا لي خمس سنوات مقدم وانا ما عندي
واسطة علشان اخد منحة ارض مثل الي عندهم واسطه للاسف هدا وضعنا لا تاخد حقك الا
ادا عندك واسطة
الحين ياأمانة القصيم ياللي مافي اعمالكم امانه
وين اراضي مخطط النقيب كم لها سنه ماسلمتوها لأصحابها ..
حسبي الله عليكم وعلى من وظفكم
نلاحظ ياصحيفتنا
بأن هناك أسماء متكرره
كذلك من عائلة واحده
وانا قدمت منحه اكثر من ثلاث سنوات
ويقولون ماجت اسماء
هل هذا يعقل 
ياحليلك انا لي 17 سنه مقدم على بلديه بريده والى الان الله المستعان
اللي مقدمين عام 1416ه يخلف الله عليهم مافي منح
وانا واحد من ضمن اللي مقدمين ؟؟؟؟ بعد مارجعتهم قالوا مالك شي عندنا
وانا مقدم مع اللي قدموا ؟؟؟؟؟؟؟؟؟؟؟؟؟؟؟
ابو 1423 ويييين ؟؟؟؟ بدري يابو الشباب ؟؟ انا مقدم عام 1416ه ولا شفت شي
حسبي الله ونعم الوكيل
طبعا البدوي ماله نصيب بالمنح بالقصيم وسبب ببساطه لئن العنصرية بالقصيم مستشريه على الاخر
افكر الصوره انها للشاعر الكبير
ابراهيم الشيخي الزهراني
على كلا الف مبروك الممنوحين
زين اللى حصلو لهم اراضي انا ادور بالقصيم ارض ماحصلت
حسبي الله ونعم اوكيل
قدمت انا واخوتي والوالده الله يحفظها يارب
( قولوا امين ) عام 1412 والحمدلله بعد
انتظار 21 سنه وبعد مانسينا اننا مقدمين
ابشركم نزلت اسامينا وطلعت اراضينا
وعقبال لكم يارب