هيئة الإذاعة البريطانية: قطار المشاعر المقدسة “لم يكن يتخيله أحد”

استعرضت هيئة الإذاعة البريطانية (بي بي سي) في تقرير بثته اليوم التيسيرات التي وفرتها المملكة العربية السعودية لحجاج بيت الله الحرام . وقالت: إن المملكة تعمل سنوياً من أجل الوصول بمشقة الحجاج إلى حدها الأدنى وأصبح الحج ميسراً عما كان عليه في السابق وبمراحل متقدمة.
ورصد تقرير موفد ال (بي بي سي) إلى مكة المكرمة أحمد ماهر أهم التيسيرات التي وفرتها المملكة لحجاج بيت الله الحرام هذا العام .
وعدت هيئة الإذاعة البريطانية قطار المشاعر واحدا من أهم التيسيرات الكبيرة للحجاج. وقالت: لم يكن يتخيل من قام بأداء الحج أن يأتي اليوم الذي يستقل فيه الحجاج قطارا كهربائيا متطوراً للتنقل بين المشاعر المقدسة.
وأضافت: كان الحجاج في الماضي يقطعون رحلة طويلة وشاقة للانتقال بين المشاعر المقدسة. وكانت الرحلة على سبيل المثال تستغرق نحو خمس ساعات أو أكثر سيراً على الأقدام قبل أن يدخل هذا القطار الخدمة العام الماضي ليجوب كل المشاعر المقدسة في دقائق معدودة.
وجال موفد ال (بي بي سي) في غرفة التحكم المركزي للقطار والشاشات الكثيرة التي ترصد حركة القطار ومحطاته المختلفة التي تصل الشعائر المقدسة ببعضها البعض .
ونقل عن المهندس وجدي طوله مدير مشروع تطوير القطار،أن الاستيعاب الكامل للقطار يبلغ اثنين وسبعين ألف حاج في الساعة الواحدة لينقل نصف مليون حاج إن شاء الله .
صدقنكم هيئة الاذاعة البريطانية كثيرة السقطات الاعلامية فيكي
والله شايف اليوم مذيع الجزيرة
وهو يبث تقرير عن قطار المشاعر
وهو بداخله كانه راكب باص خط البلدة خض الركاب خض
وكاد ان يقع على وجهه
لو لم يتمسك في اخر لحظةباحد الاعمدة
وباين عليه الرعب من القطار كانه بيتعطل ويطيح القطار
شوفوا تقرير الجزيرة اليوم الاربعاء
وحال الكراسي كيف هذي كرسي
والله كراسي المدارس المكسره افضل من كراسي القطار
كيف يجلس الواحد فيه كل شوي يهتز
اظن بيصير القطار افتراش في الممرات داخل القطار
افضل من الكراسي ذي
الكراسي قليله وصعب الجلوس
وكل مجموعة في كرسي واحد
طيب العوايل كيف مافي تفكير وتخطيط
انا بسأل المصمم
اذا القطار
لا لون زين
ولا شكل هيكل مقبول
ولا سرعة
ولا هو نطم او نموذج حديث
ولا هو مريح واضح من الكراسي
وعدم توفر اي شي الكترونيي شاشة او تكيف الكترونية
ولا فيه اي تقنية تكنولوجي
او كرسي مريحه ورفاهية ثمن الي يدفعه من تذاكر
وفوق ذلك مزعج بصوته على السكة يهز الارض هز ويزمر
وطول مدة انشائه
هذي بيضة الديك
اي انجاز ذا
لازم تمدحون القطار لنكم تقسمتم الكعكه سوى مع ربعنا حسبي الله ونعم الوكيل
صحيح كلنا ما تخيلناو
لكن حنا ماتخيلنا شكله ولونه يصيرن كذا وقيمته
تحياتي لكل شخص يعمل بإخلاص
اقول ايه
ما شاء الله وصل التطبيل للبي بي سي ،،، افا والله ما هقيناها منك يا بريطانيا
هههه دائما جهله وتنقلون مالاتعرفون
أول شي أتحدى من إللي من إللي قبلي ركب قطار
أنا راكب قطارات هولندا وفرنسا وبلجيكا وكأنك راكب قطارات مصر القديمه
إنتو على بالكم له كبوت وشنطه كأنه سيارة القطار شكله طبيعي كذا بس إللي تفرق اللون والموديل يعني في قطارات من النوع الرير أو الترام أو المترو وكل وحده بإرتفاع معين وسرعه معينه
ثاني شي القطار بيخضك خض لأنه بينطلق فجأه ويوقف فجأه لما يوصل أنا أنخضيت خض في فرنسا الله لايوريكم أنا وشنطتي ترميت رمي قولوا الحمدلله بس ع النعمه ومالك بالكم كأنو مستلفين منك إن شاء مليون مليار لاتكون حاسد (:
بالفعل لم أكن أتخيله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!لقد تخيلت شيء ثاني غير هذا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أحلى شيء في القطار .. لونه الأخضراني ..
هههههههههههههههههههههههههههههههههههههههههههههههههههههههههههههههههههههه
لا لا لا لا لهاي الدرجة ما وصلنا بعد و اللي يرحم ابوكم هههههههههههههههههههههههههههههههههههههههههههههههه صرنا مشهورين بهالقطار الخردة
ما اقول الا حسبنا الله و نعم الوكيل حسبنا الله و نعم الوكيل حسبنا الله و نعم الوكيل على من راه ووافق عليه و على شكله وتصمميه النهائي إن شاء الله نار في بطن كل من أخذ المال
بصراحه
الي يذم منكم في القطار القطار القطار القطار الخاص بالمشاعر
اقول له انه ما يستحي وانسان بس ينتقد اي شى في بلده
وهذ قلة ادب وحقدوغل ولا يثمر فيه المعروووف :
السبب :
انا ركبت القطار العام الخاص بالمشاعر ورايت بام عيني
1 - انجزت القطارات في خدمة الحجيج بمده قصيره لا تتجاوز السنتين .
2 - خسرت الدولة الملايين من الاموال لإتشاء تلك القطارات .
3- الجهد وسهر الليالي لإتمام المشروع من قبل المسؤولين .
4 - جميع القطارات جديده وعلى احدث التصاميم العالمية .
5 - القطارات كلها مكيفة .
6 - جميعها بها شاشات الكترونية مجهزه .
7 - سخر الالاف من العاملين لخدمة الحجبج من رجال الامن والكوادر اليشرية .
********************************
على العموم هذا مشروووع نفتخر به ببلدنا المعطاء ، اللهم لا تجعل الحقد بقلوبنا على بلدنا . بلدنا الله يحميكي .
وربنا يحمي خادم الحرميين وولي عهده .
اللهم لك الحمد والشكر ، ولان شكرتم لأزيدنكم .
خلوووووووووونا نحسب مع بعض كم الركوب بالقطار
انا سمعت بحدود ال200 ريال
والحجاج 72 الف يعني رااح نطلع قيمة القطار هالسنه هذي او السنه الجايه بالكثير
طبعن بقطارمثل هذا انا سمعت ان ميزانيته اكثر من خمس مليار
وانا شفت قطارات باالعالم كله افضل من قطارنا مليون مرره
ماتكلف مليارين ...الى متى ....يعني .....
الفلوس تشتري فيها نفوس مهب عاد إعلام ؟!!
عندك مثلاً قناة العبرية المستعربة،، تقول في مقتل القذافي أنه مثل صدام !؟!
وش جاب لجاب يالعبرية ومن خلفك !؟!
ولا نست العبرية من أحتل العراق وبواسطة من ؟!
ولا عشان القذافي مستعرب فزعت له ؟!
اليوم ادفع كثير تجد طهبله كثير؟؟؟؟؟؟ لاتستغربون من الاذاعه البريطانيه
لان المقدمين عرب ومن اللي يكلون بالملايين يعني سوري لبناني
وبعدين الجزيره زعلانين عليها وش جابه عندنا هاهاهاها
يستاهل قطار مناحى 31 مليار
متى ينتهي مسلسل جلد الذات البي بي سي لن تجامل احدا فكفاكم جلدا لذاتكم والي يقول تقاسمو الكعكه اي كعكه يا ابو كعكه القناه بريطانيه والشركه المنفذه صينيه بل تابعه للحكومه الصينيه يعني لو سبو القطار كان قلنا عشان الي نفذة المشروع صينيه وهم ما يحبون الصين
نقول الكلاب تنبح والسفينه تسير
والمصيبة في هالقربعانة التذكرة 100 ريال
بدل مايصير مجاني او على الاقل سعر رمزي
على سبيل المثال 4ملايين حاج منهم مليون ركبوه
مليون*100 = مية مليون طلعوا قيمة القطار ههه
ههههههههه
مشكلة التعليقات من ناس توهم يشوفون قطار!!!
القطار شوفوا أي مقطع واسمعوا صوته !!!
اي قطار في الدنيا غير مريح !!!
ولذلك لاتجد أي دبلوماسي أو مسؤول في العالم
يركب قطار إلا لضرورة أو في أماكن مزدحمة مثل الصين والهند
ويذهبون بالطائرات
بعدين أنا ما اقتنعت بفكرة القطار الا للمعاقين وكبار السن فقط
لان الحج رياضة ولابد من التعب وهذا هدف الاسلام ولا جاوبوني :
ليه تقذف سبع حصيات عدة مرات في حفر !!!
ليه تطوف وتسعى سبع أشواط
ليه تجري بأول أشواط الطواف وبين العلمين في المسعى وتسرع فيها!!!
هدف الاسلام انك تتعب وتسوي رياضة لانه مافيه بالقران كورة وسلة!!!
المفروض يكون قطار زي قطارات دبي القطار هذا شكله قديم وبعدين المفروض التذكره تكون خمسين مائتين مبالغ فيها بشكل كبير وخصوصا الحجاج القدمين من دول فقيره والفقراء
رضا الناس غايه لا تدرك .......والله لو يجري الله نهر من عسل لذه للشاربين يمر بمشعر منى لقلتم طعمه سلج او مالح او متعكر لونه وربما تتهم الدوله ما اشرفت على التصفيه ......وهولاء الناقدين اما حاقدين من خارج البلد او مواطنين لا يعلمون فضل هذا البلد في العالم ..... مكه المكرمه فيها مشاريع عملاقه انفق عليها الاموال الطايله .......الحمد الله على النعمه .......
المشكلة في نوعية الناس اللي تنتقد وهي ماتدري وين ربي حاطه اللي يقول لك اللون والتصميم وكراسي على باله انه قطار بين المدن هذا ترام يعني الناس تصير واقفه بالغالب دقايق وتاصل ايةمكان تبي يحطون لك غرف نوم مثلا واللي يقولولك يهتز اقطع يدي اذا انه بحياته ركب قطار رح لبريطانيا واركب الاندرقراوند وشف الهز على اصوله وشف الكراسي ناس بس تبي تنتقد ومسويه نفسه اذكى العالم
ناس ماتدري وش الفروقات وانواع ىلقطارات حسب الاستخدام لو حاطين مقدمة القار انسيابيه كان قال احس قطار واللون ترا كلها سطلين بويه فعلا ناس ماتستاهل هالديره االلي عايشبن فيها
واللي يقول لك بطيء يبي قطار يمشي بين منى ومزدلفه بسرعة 300 كيلو علشان مايردك الا بحر جده مسافه 5 كيلو كم تبي سرعته
كل من سب مشروع القطار او أي مشروع اخر بالسعوديه اقص ذراعي اذا كان سعودي
لانه تقدم المملكه بمشاريعها الضخمه لاينكرها الى احمق
القطارات انواع وقطار المشاعر وضع على اساس ان الراكب لايبقى فيه الى دقائق معدوده ويصل
اما الخض فشكلكم ماعمركم ركبتوا قطارات بحياتكم كل القطارات فيها خض
روحوا لاكثر دول متقدمه بالعالم وركبوا قطارتها وشوفوا كيف الخض على اصوله
قطار المشاعر ركبناه مكيف ورائع ومريح ونظيف والخدمه فيه رائعه
اخيرا رضاء الناس غايه لاتدرك خصوصا الحاقد
ولكن القافله تسير والكلاب تنبح
تكلفة القطار مبالغ فيها جداااااااااااا
بعدين المشكلة في التنقل لا زالت موجودة ما دام القطار يشيل فقط نصف مليون طيب وباقي الحجاج !!!!!!!!!
ايضا هناك مشكلة اكبر وهي التنقل من الحرم إلى منى لا يوجد باص ولا قطار ولا سيارة ولا دباب ينقلك إلى الحرم من منى لأن منى مغلقة الشوارع والابواب واذا تبغى تروح للحرم لازم تنزل من نفق الملك خالد او كوبري الملك عبدالعزيز على الاقدام مشيا وركضا وهرولة وزحفا حتى تجد سيارة توديك للحرم
وين القطار اللي يوصل من منى للحرم !!!!!!!!
وين شبكة القطارات في مكة !!!!!!!!
المفروض فيه مترو انفاق يدور حول المسجد الحرام ويوقف عند كل جهة من جهات الحرم !!!!!
نحن لانذم القطار بحد ذاته نحن نذم ونتمنى التحقيق في الموضوع بكل حيادية (قارن بين هذا القطار ومسافته مع قطارات الدول الأخرى ومسافتها) اتحداك اذا هذا القطار يستاهل المبلغ المصروف عليه واتحداك ايضاً اذا مافيه اكل مبلغ كبير من وراء هذا القطار
و الله الذي لا اله الا هو لو كان الحج في أحد الدول العربية لمنعوا الحجاج من أداء الفريضة فاحمدوا الله على النعمة فالنعمة زوالة و آل سعود أحسن من غيرهم و كل ابن آدم خطاء و كل واحد فيكم يشوف بيته الأول قبل أن يتكلم عن البيت السعودي اللي أدعوا الله عز وجل أن يديمه فوق رؤوسكم و رؤوس من كرههم. أنا عاطل عن العمل و ليس لي عند آل سعود لا ناقة و لا جمل و لكنني أدعوا الله لهم فوالله ما زال ملك أو دولة الا و توالى الأراذل الأمر و جعلوه أسوء مما كان أنظروا لمن حولكم من الدول من عرب أو عجم حتى تدركوا نعمة الله علينا فوالله انني لمؤيد لهم و لاحكامهم الا اذا منعوني الصلاة والعبادة والله على ما أقول شهيد.