مواطنو جدة يرغبون توقف عدادات مشاريع الطرق بسبب التأخر في الإنجاز

أوقفت امانة جدة العداد الرقمي في عدد من مشاريع الطرق بالمحافظة، بعد فشلها في تنفيذ تلك المشاريع في الزمن المحدد حيث توقف العداد في مشروع تقاطع طريق الأمير ماجد مع شارع الأمير محمد بن عبدالعزيز الذي بدأ تنفيذه في شعبان 1429 وحدد موعد الانتهاء في ذي القعدة القادم، كما اوقف عداد مشروع تقاطع الأمير ماجد مع شارع صاري الذي بدأ تنفيذه في جمادى الثانية 1430 وحدد موعد الانتهاء في شعبان الماضي.
وقال مواطنون بحسب تقرير في صحيفة الرياض المحلية : كنا نتابع العدادات بشكل يومي حتى لاحظنا التلاعب بها واعادتها الى أيام سابقة، واستمررنا في المتابعة حتى اكتشفنا عدم انهاء المشروعين في الزمن المحدد، مشيرين الى أن المقاولين في جدة لا يلتزمون بالمواعيد المحددة للمشاريع، لمعرفتهم المسبقة بضعف العقوبة او انعدامها في كثير من المواقع.
من جانبها عللت امانة جدة سبب التأخير بظهور خطوط خدمات لم تكن موجودة في عقود المقاولين مما يتطلب نقلها قبل التنفيذ بالاضافة الى وجود متطلبات للكهرباء والمياه لترحيل خطوط خدماتها مع متطلبات مرورية لضمان انسيابية الحركة المرورية أثناء التنفيذ وبعده.
وطالبت الأمانة من المقاولين المنفذين لتلك المشاريع تقديم جدول زمني معدل لإنجاز الأعمال المتبقية في أسرع وقت ممكن مع الأخذ في الاعتبار زيادة الموارد البشرية وتوفير كافة الإمكانيات المطلوبة للتغلب على فترات التوقف نتيجة ظهور المشكلة.
احظروا الاستقدام و يكون ساري على جميع الدول اللي موجودين كفاااااااااااااااااااااية البلد انغثت بالاجانب كفاااااااااااااااااية
اليوميه محسووووووووبه لهم وبيهم يتحركو بسرررعه
العقل السليم المفروض لو تأخرو يوم يحب عليهم
بس عندنا العكس السوميه محسوبه على الدوله تدفع لهم
ساااااااااااااعه زمنيه؟
وفين.....؟
في جده؟
ولمين؟؟
للمقاولين؟
مش معقول
الاول الامانه يسوولهم ساعات وساعات وبعدين المقاولين
(من جانبها عللت امانة جدة سبب التأخير بظهور خطوط خدمات لم تكن موجودة في عقود المقاولين)
هذا هو العك الاداري
لما الامانة تعطي تصريح لشركة بالعمل على خط خدمات...ولا تقوم بالاحتفاظ في ارشيفها او مخططاتها بما لا يشير الى تلك الخدمات.....فهو عك واهمال وفساد اداري...
هنا لا تقع الملامة على المقاول الحالي....بل على الامانة لقلة امانتها في تنظيم اعمالها وارشفتها...
كيف لو تشوفون الكباري والشوارع المتوقفة بالقصيم بريدة بسبب استحواذ مقاول واحد على جميع المشاريع
لاكن لا حيات لمن تنادي لأنه اخر همهم المواطن المقهور
اتمنا من هيئة مكافحة الفساد التركيز على مشاريع البلديات لأن اكبر واضخم عمليات الفساد موجود في البلديات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياليتي كنت مسؤول عن تنفيذ المشاريع في المملكة
والله مايمسك المشاريع إلا شركات أجنبية
اعنبوا داركم هذي ديرتكم
مافيكم خير لديرتكم؟
والله طقت كبودنا من فساد المقاولين والمسؤولين
بس حشي دراهم وسلام عليكم
مايصير هالمهازل
إذا كان يقف وراء شركة المقاولات هامور كبير
من سوف يحاسبه؟
بل هو الذي سوف يحاسب هذا القانون وسوف يحاربه
وهذا مايصير ولاينسكت عنه
مهازل مستمرة رغم ماحدث من كوارث
ورغم كلامنا عن معاقبة المفسدين
إلا أن النظام والقانون غائب وليس هنالك من يستطيع إيقاف فسادهم
هنالك حروب مقاولين وهوامير مسؤولين فاسدين يتحاربون ويتسابقون على سرقة أموال الدولة والمسلمين
حسبي الله ونعم الوكيل.
وين الفيصل عنهم ! قبل فترة شاهدت خبر بان الفيصل استاء من توقف ساعة المشروع القائم في كورنيش جده وامرهم باتباع العداد التنازلي وأعاده تشغيله
ولكن الان الشغله كبرت وكان كلام الامير القوا به في عرض الحائط
ما الومهم ( من امن العقوبه اساء الادب)
واصلي يابلادي واصلي
انا زرات جده قبل رمضان
وقلت مشاءالله المشاريع عندهم تحسب بالايام
وعندنا حفريات مدتها ثلاث سنين وماتخلص
واثرنا بالهواء سواء
سبحان الله وبحمده
سبحان الله العظيم
أستغفر الله
بالله ترجون خير وراء امانة جدة
هذه الاخبار ليست غريبة
وأقسم بالله اني اناظر الساعة الزمنية واقول متى تقدم الامانة المبررات بالتاخير لاني على يقين بعدم انتهائها في الوقت المطلوب ونحن ندفع الثمن
حسبهم الله وكل متساعد معهم
ونطلب من الامير خالد الفيصل سرعة اعادة هيكلة الامانة كاملة كماذكر من عدة اشهر
اذا كانت شوارع جده مكسرة وحدائقها مهمله والصرف الصحي طافح بالشوارع والحفريات بكل حي وحاره والسيول جارفه والكباري تتحول الى مسابح وقت الامطار والكورنيش لايوجد به الا حمام واحد وبفلوس والمخلفات والزبائل تجلس بالاسبوعين ماحد يشيلها المطاعم يوجد به من الاوساخ والقاذورات مايشيب له الراس اذاً مافائدة امانه جده والبلديات الفرعيه وموظفيها ؟ واقسم بالله بمجرد ماتمر من عند مبنى الامانه تشم ريحة الفساد المالي والاداري يعج من اروقه مكاتبها
ماشاء الله من متى كان للمواطن صوت في تنفيذ المشاريع الوعد المطره القادمه ودمتم سالمين
يا جماعة الخير
لاتلومون المقاول ترى المقاول ماله ذنب
لومو الدوله اللي ماتسمح الا بشهادة تصنيف
وتلقى اللي معه شهادة تصنيف يمسك المشروع
ويمسكه أجنبي بالباطن
والأجنبي يصير يمسكه أحد بالباطن
وتصير بورصه من مقاول الى مقاول
أنا مقاول ورحت لم وزارة المياه بمسك مشاريع من عندهم
وتفاجأة بطلب شهادة تصنيف
قلت لو معي شهادة تصنيف ماجيت لمكم
ف اللوم كله أول على الدوله
ثاني على المسؤلين اللذي لآ يخافون الله
ثالثا المقاول ترى وربي ضعيف
وين مايروح لم الدوائر الحكوميه فاتحه فمه تطلبه فلوس
مثل التأمينات الأجتماعيه
ومثل مصلحة الزكاة والدخل
ومثل الغرفه التجاريه
وإذا جاء يبي عمال من مكتب التبن
قالو مانعطيك
وإذا المقاول مسك عقد حكومي عليه مثلا 50 عامل مكتب التبن يعطيه 35 طيب المشروع مطلوب عليه 50 عامل ليش تعطيني 35 وإذا مكتب التبن قصر بعقود الدوله
ف المشكله بالدوله نفسه اللي مو قادره تظبط دوائرها
ما الحل برأيكم
لماذل المستثمر يعطى مايريد
والمقاول يآخذ منه مايريدون
هل الدوله بحاجه إلى الأستثمار الأجنبي
لا
لئننا دوله غنيه ومحنا محتاجين لسيوله من الأستثمار
لكن حسبي الله ونعم الوكيل على من كان السبب
انا يوميا اتبع العمالة وانا رايح جاي من جانب احد المشاريع وفيه عامل حفظت شكله يوميا الاقيه بالشمس لعبت فيه لعب الين تغير شكله المسكين ويا ناس الرحمة بهم تبغون المشروع ينتهي زيد بعدد العمالة مب تحملهم فوق طاقتهم ويتسلم المشروع بمستوى اقل او يتوقف بسبب ارهاق العاملين واحب اقول يا جماعه ان كل مشاريع الانفاق بجده هي اكبر نكبة بالمدينة لانها بتصير برك اثناء الامطار والمفترض عمل كباري مرتفعه لانها اثبتت نجاحها من قبل
ياليتكم يالربع تشوفون شارع الفوازية المجاور لاسكان الخبر لاجسور ولا كباري ولا انفاق والشارع ممهد ولايتجاوز 1كيلو متر وللمقاول مايقارب سنه ونصف ولاعمرك شفت الامعدة واحدة واقفة وتمر ماتحصل اي عمل بالموقع وكأن مااحد مسؤول عنهم والله قمة المهزلة المشكلة حنا مجاورين لدول الخليج ونعرف ايش يصير يوميا عندهم من انجازات بالشوارع ياعالم ياهوه عدلو الوضع قفلتوا الشوارع علينا ماصار الواحد يخرج من بيته الايدور حول نفسه ويرجع بيتهم اتقوا الله فينا
صدقوني سوف تتكرر هذه الاحداث وتقيد ضد مجهول
اللهم ارحم شهدائنا وشهداء المسلمين وعجل لنا بالقصاص العاجل فى المفسدين
عندناببريدة طريق الملك فهد الله يرحمه له 15 سنه ولا يزال العمل به حتى اعداد
هذا الخبر واهالي مدينة يقولون الطريق مات مع الملك فهد