إيقاف رواتب معلمات ومعلمي المدارس الخاصة

وضعت وزارة التربية والتعليم عن طريق الإدارة العامة للتعليم الأهلي والأجنبي بنات وبنين الخطوات النهائية لتنفيذ زيادة رواتب المعلمين والمعلمات السعوديين في المدارس الأهلية بوضع حد أدنى للرواتب 5000 ريال مضافا إليها بدل نقل 600 ريال عن طريق مساهمة صندوق الموارد البشرية ب50 % من الرواتب لمدة 5 سنوات تنفذ بداية من العام الدراسي القادم. حيث تحركت وزارة التربية والتعليم بعد تنامي الشكاوى من المعلمين والمعلمات لتجديد عقودهم السابقة بنفس الرواتب المتدنية التي لا تتجاوز 3000 ريال.
ووفقا لتقرير في صحيفة عكاظ المحلية , يشار إلى أن عددا من المدارس الخاصة أوقفت عقود المعلمات والمعلمين المرتبطين بعقود عمل مع المدارس الخاصة بكافة مراحل التعليم العام لمدة شهرين فقط وهي الفترة الزمنية للإجازة الصيفية الحالية، حيث شملت خطوات الإيقاف نظام التأمينات الاجتماعية لعدد من المعلمات والمعلمين.
وجاء تعليل المدارس الخاصة لإيقاف العقود وإنهائها تقليلا للمصروفات المالية من ناحية الرواتب الشهرية التي تتفاوت ما بين 1500ريال للمعلمات و2500ريال للمعلمين وفقا للعقود المبرمة بين المعلمين والمعلمات مع المدارس الخاصة التي حددت فترتها الزمنية من تاريخ العقد لمدة عام دراسي كامل. وأبلغت المدارس الخاصة جميع المعلمات بانتهاء فترة عملهن مع نهاية نتائج الاختبارات الدراسية الحالية وإيقاف رواتبهن لمدة شهرين فقط والعودة بحسب الاتصال التليفوني لكل معلمة ترغب المدرسة بعودتها في شوال القادم. وأجمع عدد من معلمات المدارس الخاصة في مدينة حائل أن المسؤولة المالية المقيمة التي تعمل في إحدى المدارس الخاصة طلبت التوقيع على عدم المطالبة بالزيادات المالية بتحديد سقف رواتب المدارس الخاصة لمعلماتها؛ بحجة عدم معرفتها باللائحة الجديدة التي تنتظر المدارس الخاصة صدورها من التعليم الأهلي.
رجعنا للمهايط ياوزارة الغفلة والشد العضلي
مع الأسف أن هذي الصحيفة من المفترض أن تغير اسمها من عاجل إلى وزارة الدجة من كثر تصاريحهم
ياصندو ق المرارد البشرية إذا كنت فعلا تبيها للشباب نزلها بحساباتهم ديركت
ولا نبون تدعون المكلاك وباسم الوطنية ولا ليش تسلمونهم الفلوس ثم الجشعين منهم يخلون الشباب يوقعون على 5000 وهم ما يصل لهم إلا 1500او اقل
إذاهي دعم لتوظيف السعوديين ليش ما تنزل من حساب الموارد البشرية لحساب المدرس دايركت
بل المفروض يطالب المالك بنحويل شهري بقدر عدد المدرسين المدعومين والصندوق يضيفها لما لديه وفي وقت الراتب تحول لحساب المعلم
بس شف وش ورا الموضوع
ما موقف وزارة التربية والتعليم وزارة العمل وصندوق تنمية الموارد البشرية من ممارسات ملاك المدارس الاهلية ضد المعلمين والمعلمات والهروب من تطبيق الامر السامي بتحسين رواتب هذه الفئة . نأمل من الجهات المسؤولة وضع حد لهذه الممارسات والزام ملاك المدارس الاهلية بتطبيق القرار الصادر بخصوص تحسين الرواتب
شبعنا من الكلام هذا كل سنة تعيدونه
مع العلم إن المدارس الأهلية دخلها بالملايين
ياخوفي الراتب يبقى زي ماهو 1850 ريال
ان شاء الله المسئولين يبدأون بتطبيق الامر السامي بكل تفاصيله لما فيه الصالح العام للمعلمين والمعلمات
تلك الفئة المضلومة
افضل صحيفه اليه أنشر هذا التعليق
معلمه في مدرسه خاصة الراتب 1100 ألف ومائة ريال الايجازات مقطوعه الاجازات المرضيه محسومه الإضطرارية يحسم اليوم بيومين العقدلمدة عام ينتهي في 20/7/1432
الراتب تم ايقافه في 30/6/1432 وبعد استلامنا راتب شهر سته وقعوناعلى مخالصه لم نطالب بإي مستحقات بعد هذا التاريخ . حسبي الله عليهم
انعدام حقوقنا وغياب المسؤولين عن حمايت مستقبلنا وصون أوضاعنا من التلاعب
السلام عليكم ليس بجديد ان تكون العقود تنتهي بانتهاء العام الدراسي فهذا ماهو موجود في جميع المدارس الاهلية ولكن السؤال الاهم هو ماهو مصير استئناف الدراسة وعودة الطلاب الى مدارسهم الاهلية هل ستستمر المدرسة الاهلية بنفس الرسوم السابقة هل ستستوعب المدارس الحكومية تحويل طلاب الاهليات اليها مايقارب نصف مليون طالب وطالبة غي حال اغلقت ابوابها لعدم قدرتها على الاستمرار ماهو مصير الموظفين والموظفات وعددهم حوالي الاربعون الف هل سيتم توظيفهن في المدارس الحكومية كل هذه الاسئلة لابد لها من اجابات
والله حرااااام تحصل الأجانب في المدارس الخاصه يستلمون رواتب اعلى من السعوديين والسعوديات
تخلف
وخصوصا مدارس قرطبة الاهلية بالرياض حيث جمعت ما بين صفتين البخل والظلم . والطالب مهما عمل يبقى دائما وأبداً على حق .
والله الحكومة ماقصرت لاكن ياتري تطبق النضام انا مدرس مدرسة اهلية راتبي 1650تصرف من البنك الهولندي فقط لاغير
كل خريج لغة عربية تراهم في الاهلية لكم الله ثم عبدالله
في كل مناطق المملكة حتى المحافظات الغو عقودنا ويبلغونا في شوال ليش يدورون قرايبهم ان رفضو نادونا وان قبلو كرشونا المفروض يجبرون بتجديد عقودنا امر عليهم بعدم استبعاد ولا معلمه تخيلو مديرتنا شايلينها على كفوف الراحه وتهددنا بالغاء العقود وتقول انا مبسوطه على ادارة الاهلي لان عقدهم بيدي لكن الحكومي ماقدر عليهم وهذا حنا خايفين من الغاء العقد والرواتب بلغودنا من العام القادم بتنقص والله العظيم بينقصها بلغنا بهذا من الحين ولا تقيدبالامر الملكي تكفى يابابا عبداللة اجبرهم بتجديد العقود و الرواتب حتى المحافظات لازم يزيدونها بتصير الف وثلاث مائة بدل الف وست مائة
تكفى يابابا عبدالله اجبرجميع الاهليات حتى المحافظات وتراهم الغو عقودنا وقالو ندق عليكم بشوال الحين ومديرتنا تهددنا بالغاء العقد وصاحب المدار س نقص رواتبنا بعد الامر الملكي من الف وستمائة الى الف وثلاث مائه ويقول مافية زيادة وعلشانكم طالبتو نزلتها واقفقنا خوفا على الخبرة لاراتب ولا خبرة مصيبه تكفى يابوي اجبرهم على تجديد العقود وزيادة الرواتب تكفى بنتك تطلبك باجبارهم الله يخلي لنا ابونا عبداللة بياخذ حقنا منكم
حسبي الله على جشع المدراس الأهلية
أسوأ قطاع خاص في السعودية هو التعليم الأهلي
المدارس الأهلية ياسادة ياكرام يأتيها دعم حكومي
سنوي على كل طالب ..
المدارس الأهلية ياوزارات الفشل تأخذ دعم من الموارد البشرية
مقداره 50% لدفع رواتب المعلمين السعوديين ..
المدارس الأهلية لا تعطي السعودي تأمين طبي والأجنبي يستاهل
بدل سكن وتذاكر وتأمين طبي ...
المدارس الأهلية ترفع الرسوم للسنة القادمة
بشكل فضيع على ولي الأمر الغلبان ..
المدارس الأهلية اصبح الكثير منها يقدم تعليم أسوأ من الحكومي
في المضمون أما المظهر فخذ رجال فشخرة أمام الآخرين ..
المدرسين الأجانب اصبحوا يبيعون الأسئلة وفي أضعف الإيمان يدرس خصوصي
التعليم من جرف لدحديرة والبركة في وزارة الفشل ..
المعلم الأردني في مدرستي يأخذ 3500 ريال
والسعودي أقل منه ؟؟؟؟؟؟؟؟!!!!!!
معلم في قطاع أهلي وحسبي الله ونعم الوكيل
ابفهم شي واحد بس
وين الجديد ؟؟؟؟؟؟؟؟
قرار حكيم ومنصف
ولاكن ما اخشاه أن يتم ابرام العقود مع المعلمين والمعلمات ب6000 ريال بينما لا يتم اعطائهم الا 3000 ريال ومع الأسف سوف يوافق معضمهم لأنهم في حاجة ويذهب دعم الملك والموارد البشيريه لجيوب ملاك المدارس و.....!!!!!
الله يكون بالعون ويرزقنا التعيين . اقل شي طيب عطونا نصف الراتب
نمشي فيه انفسنا شوي
مو تقطعونه مره وحده
الله يكون في عوننا بس انا والله ادرس بمدرسة اهليه براتب 1500 ريال فقط
وظروفي صعبة الي حد مالا نهاية والله العظيم لا املك سياره ولا سكن
بس خلوها على الله وعلى قولتهم والله ع الحديده
( ولم يجددوا معي المدرسة)
ياربي ارزقني من حيث لا احتسب
مسا الخيرات والليرات
واقسم بالله قم المهزله والتلاعب بأوامر ابو متعب
احنا في الطائف والله العظيم على 1300 ريال في المدارس الاهليه
واجبرونا على انهاء العقود مع انتهاء العام الدراسي .. وذلحين تورطنا
وينك يا ابو متعب تكفى لا تخلي عيالك .. بين يدين المسؤلين الكلاب
ياوزارة التربيه شوفو مدارس الشعله الاهليه بالملز يوم علمت بزيادة الرواتب
قامت بانهاء عقودمجموعه من المعلمات السعوديات بتايخ 20/7/ 1432
واستبدالنا باجانب وانتم نايمين الحقووو علينا حسبي الله ونعم الوكيل
من يجمينا من المدارس الخاصه
تكفون ياسبق ارسلت لكم فاكس مانشرتم الخبر ليش
نطلب من المسوولين محاسبه المتسببب في فصل المعلمات وقطع ارزاقهن
انا اظم صوتي لكم المفروض يكون فية (الأمان الوظيفي)
اللي هو اهم من زيادة الرواتب !!!
مو على كيفهم زيادة على النهب طرد وين بتروحون من حوبتنا"ان شاء الله ماتعداكم "
انا قبل اسبوع ارسلوا لي رسالة قالوا خلاص لاتجين مع العلم اني مجتهدة بعملي
لكن مااقول الا اللهم انت حسبي ونعم الوكيل
وزارة الدجه ( توقف رواتب ....) ياخي حتى اذا بيجي منهم خبر زين يبدونه بسدة نفس
وانتم مصدقين ان رواتب الاهلية تمشي بالاجازة تقولون اوقفوها السعودية لللاجانب فقط السعودي غريب في وطنه لماذا انهوا عقود السعوديين ولم ينهوا عقود الاجانب قرارات ملكية لم تنفذ غريب امرك ياوطن لم يحفظ ابنائه
المدارس الاهليه المشكله في ملاكها الذي يراوغون النظام
ويتدخلون في اعمال المعلمين
وقله ارواتب 1800 ريال يروح نصها خصميات
زي مدرسه رياض الحكمه بتبوك لاتعليم ولا مظهر
لو يخلونها سكن عزاب افضل
الله يعين ,
بس والله ظلم ان المدرس ياخذ راتب 7000 وهو جالس واجازه 3 اشهور
مو حسد بس كذا ظلم للموظفين الحكوميين ,
انتى ياوزارة التعليم اللى يقولون عنك الكلام الفاضي كبوه عنكم والله ان الدول الخارجيه انها تضحك علينا يالسعوديين والله لا نظام زي الناس ولا امانه والامانه اشوف انها راحت تنقرض حبه حبه لكن حسبنا الله ونعم والوكيل
عامل النظافة في دولة كافرة يتقاضى راتب شهري قدرة 8000 دولار.
نرجو من المسؤلين الإسراع في تطبيق القرار برفع رواتب معلمي ومعلمات المدارس الأهلية .
وإلا يرددون يا ليل ما أطولك
لازم تنزل الحساب
حرام يوقع الواحد انه استلم 5000ريال وهو ما استلمها كاملة
صاروا بنقاليين!!!!!
يعني وزارة التربية و..... ماتدري تدري من عشرات السنين . لكن مايقدرون يسوون شئ انظمة قديمة جار عليها الزمن وياغافل لك الله . انا معلم في مدرسة اهلية قمة الاستهتار بالمعلم وحقوقه بل ليس له اي وجود حتى في وضع الدرجات والتصحيح يعطى الطالب اكثر من حقة والمسكين اللي في الحكومي يردد ياليل مطولك وهذا اللي ماخذها بفلوسه وبالخيانه تلقاه بعد فترة من الزمان في منصب مايستحقة والله حرام التعليم الخاص رايح فيها.والدليل شوفوا كثير من اصحاب المناصب شهادات مشتراه والعمل مكانك راوح. يعني ماعندك أحد!!!!!!!!!!!!!! والله حال.
والله اللي قاعد يصير مهزلة إلى هالدرجة استهتار بالأوامر الملكيه كل المدارس الأهلية ترفض تطبيقه ومنها مدارس الشمس الأهلية بحي الأندلس بالرياض أجبروا السعوديين على التوقيع على عقود بنفس الرواتب إضافة إلى تدخل المالك بكل صغيرة وكبيرة بلا حسيب ولا رقيب وش فايدة ادارة التعليم الاهلي نوم بس وشاهي وجرايد حسبنا الله ونعم الوكيل
بسم الله الرحمن الرحيم
انا اضم صوتي لاخوانيواخواتي المعلمين والمعلمات
تكفى ياابو متعب تكفى ياابونا وابو الشعب كله شووووف المهزله من ملاك المدارس الاهليه
وشوف حال اولادك وبناتك السعوديين مهضوووووومه حقوقنا لابعد درجه
ماافيه امان وظيفي
ومااافيه راتب كويس يعيشنا بنعمة وستر كاننا عايشين على البركةانا ادرس بمدرسة اهليه شرق الرياض براتب لايتجاوز1800 ريال وليته كامل كل شي بخصم ولله الحمد
وفوق هذا كله المدرسة مو من ضمن الموارد البشريه كل ماقلنا لهم اصرفوا لنا حقنا الي من الدوله نقصد فيه الي من الموارد البشريه قالوا للاسف المدرسه عليها مخالفات وماهي من ضمن الموارد البشريه...!!!!
طيب المعلم وش دخله؟؟؟
المفروض الي من الموارد البشريه تنزل ع حساب المعلمين والمعلمات مبااااشره بدون ماتمر ع المالك لسببين
اولا هذا المعلم او المعلمة المظلومه وش دخلهم بالمخالفات الي ع المدرسه ؟؟
ثانيا بعض ملاك المدارس ظالمين ... مايحولون الفلوس الي تجيهم من الموارد ع حساب المعلمين والمعلمات وياكلون حقهم بدووووون وجه حق...
من ينصفنا ... وياخذ حقنا غير الله ثم انت ياتاج رؤوسنا يا ابونا عبدالله الله يديمك ماقصرت والله لكن التقصير من اصحاب الجشع الي مايخافون الله في رعيتهم ...
إذا تبقى تسمع العجب العجاب أسمع عندك مدارس واحة الإبداع الأهلية بحي الدوحة في الظهران يقول وكيل المدرسة السوري للمعلمين السعوديين أن دعم الموارد البشرية هو دعم للمدرسة وليس للمعلم السعودي كما يظن المعلمين وأن المدرسة إذا ما تأخذ دعم الموارد البشرية ما تريد المعلمين السعوديين عندها بالمدرسة !!! . شفتوا الجشع وين وصل ....
تحيلوا رواتبنا من دعم الموارد البشرية 3500 ريال يعني الصافي بعد خصم التأمينات 3320 ريال الوكيل الاجنبي أيش يسوي يخصم 820 ريال لصالح المدرسة يعني الصافي لنا 2500 ريال و 820 ريال في بطنه بالظلم ... والله ياجماعة ظلمنا ظلم ولكن للأسف لرحت مكتب العمل بالخبر تشتكي يقولك الموظف أنت مو أول واحد يشتكي كل ملاك المدارس الأهلية يأكلون دعم المعلمين من الموارد البشرية ويش تبقانا نسوي لك !!!؟
آه يالقهر من تشتكي له ما دام هذا وضعنا ؟؟؟
واللي تعب وطفش وهو رايح جاي يبي يكون معلم اهلية والمدير الفلسطيني اللي شايف نفسه ماعجبناه وش السواة يالربع بالله شو نساوي يازلام ابينفعش هيك ياوزارتنا بدنا ترحيل الاجانب واستبدالهم بمواطنين افضل النا وإلكم
يعني يشحدون
كأنهم يعونهم رواتب من مخابيهم