القبض والتعهد على " سبعينية" تقود سيارتها في بيشة

ألقت الدوريات الأمنية بمحافظة بيشة أمس القبض على سبعينية تقود سيارتها الخاصة من نوع داتسون غمارتين قديمة وكانت الدوريات الأمنية قد استوقفت السبعينية بشارع الستين وتبين أنها قادمة من احد مضارب البادية شرق بيشة لأخذ بعض أعلاف لأغنامها ،و لم تكن تعلم بما يحدث من أمور عن قيادة المرأة للسيارة وقال الناطق الاعلامي بشرطة منطقة عسير الرائد عبدالله بن علي آل شعثان في تصريح بحسب صحيفة المدينة ان المرأة “ أرملة مسنة “وقد استوقفتها الدوريات الامنية وتم استدعاء هيئة الامر بالمعروف والنهي عن المنكر.
واتضح انه لم يكن عليها ملاحظات وتم اخذ التوجيهات من الإمارة بأخذ التعهد عليها واطلاق سراحها بعد افهامها الانظمة والتعليمات.
هذا اللي جنيناه من منال واشكالها من المترفات والفاضيات اللي من كثرة فلوسهن كل حاجة سووها بس بقى قيادة السيارة _ وبالاخير الضحية مثل ذا العجوز الارملة وغيرها من الشريفات
حسبي ع منكان السبب
سبعينيه المفترض ان لاتشدد المراقبه على سواقة المرأه
للسياره في بعض محافظات الجنوب فهناك بعض النساء يقدن
السياره ليس خرقآ للقوانين ولكن لعيشهم في مناطق بعيده
عن التجمعات-والدليل ان السياره داتسون واتت لاخذ علف
واكيد ان لها ستين سنه تقود سيارتها لماذا التشديد في المحافظات
المفترض نشدد على البناء فيها ونقلها من محافظات الى مدن كبيره متقدمه
هذي بدويه مسكينه اتوقع لايوجد لديها ابناء يقومون بخدمتهاكان الله في عونها .
تقولون أرملة وسبعينية موت وخراب ديار لا ومن مارب البادية عودة عصويد
قسم اننا شعب تايه مايدري وين يروح ولا عجوز لها سنين تنقل لغنمها علف وعمرها سبعين سنه وتولجوها .
الى متى ونحن متخلفين ونخاف من المستقبل التخلف مكتوب على هذه البلاد .
خخخخخخخخخخخخخخخ
الحمدالله والشكر هسترن العجز
ياكثر النوعيات هذه في البادية
وهن على الفطرة وبعيد عن التعليمات والبلد والخطوط المسفلته
أنا رأيت الكثير منهن سائقات للوايتات لنقل الماء وهن متحجبات
وكذلك بعضهن مع اغنامهن في الصحاري على الونيتات او جيوب الشاص
وهن مسلحات بالايمان والسلاح الحقيقي وليس عليهن ولا منهن خوفا
هاذي فيها حيل تقوم ؟ خخخخخخخ والله الي ماقربعت حوف العسل والطحين كل صبح اعرف اشباها قد ودعن خخخخخخخ
هذه المراة احدى ضحيى منال
الحمد لله والشكر على هالتعليقات اصحابها فيهم جهل اللهم سترك ماسكين عجوز ويتعهدون عليها
مابقى من العمر كثر ماراح يتعهدوووووون عليها احترموها كبر امكم وش فيها اذا ساقت والله عقول متحجرة نسال الله السلامه
الله يرحم حالك ماجابت خبر منال ولا غيرها
جابت خبر الشعير والبرسيم
ماشاء الله يادوريات بيشة والله ظلمتوا هالمسكينة اللي صلت الفجر في البادية وطلعت تدور على رزقها وتطعم أغنامها , طيب ودي اطرح سؤال يادوريات ومرور بيشة وينكم من السرابيت والمفحطين اللي أذوا الناس بالتفحيط والسرعة الجنونية وقطع الاشارات وكلهم موجودين في نفس الشارع اللي عرفتوا فيه كيف تمسكون العجوز لكن ان شاء الله تدعي عليكم دعوة انسانة صادقة تخترق عنان السماء مايردها ربي فيكم يامن تظلمون اللي ماتعرفونهم بدون وجه حق وماعندهم واسطات , لكن المصيبة كيف ينظبطون الدواجين وغالبيتهم من نفس الدوريات والمرور اللي تلقاه في الصباح بالدورية يفر عند المدارس يطرد خلف الورعان وفي العصر بسيارته الخاصة في شارع الستين اللي مسكوا فيه العجوز يفر مع السلاتيح وفي الليل تلقاه في الحزام الشرقي بارز مع شلة ورعان وعرابجة
مسكينه الله يحفظها ما تدري وش الموضوع شكلها دايم تجي تاخذ علف وترجع بس الدوريات عقدوها حرام عليكم شكلها الحاجه دعتها الى القياده وما تدري عن شي لانه معروف انه في بيشه وتثليث ومعضم المناطق الصحراويه الحريم تسوق وهي ترعى الحلال
أتخيل العجوز جالسة في غرفة التحقيق والمصباح الأبيض فوق رأسها والمحقق ينفث سيجار كوبي ويجول في الغرفة ويسأل العجوز :
س/ ماعلاقتك بمنال الشريف ؟
س/ هل تلقيتِ دعم لوجستي من الخارج ؟
س/ لماذا أكثر العجائز يستخدمن الددسن في المظاهرات ؟
س/ ماهو اسمك الحركي في الفيس بوك ؟
س/ منذ متى وأنتِ تخططين لقيادة السيارة ؟
س/ هل حاولتِ مقاومة رجال المرور أثناء القبض عليك ؟
س/ هل اطَلعتِ على أنظمة الدولة بخصوص قيادة السيارة ؟
س/ هل عندك أقوال أخرى ؟ وبإمكانك اختيار محام للدفاع عنك .
انتظر المحقق أن تجيب تلك العجوز ولكنها كانت في سابع نومة
( مسكينية مجرجرينها من صباح الله )
ياعالم يامتناقض تاركين مظاهر الخلوة الحقيقية بين السائق والمعزبة وبين أصحاب المشاوير الخاصة والفتيات وبين بائعي الملابس الداخلية ونسائكم وجايين تغربلوا هالعجيّز اللي طالعة تشوف غنمها .يا أمة ضحكت من جهلها الأمم .
انا اشوف ان الموضوع زاد عن حده كل يوم وطالع لنا وحده تسوق طيب ام سبعين من بيطالع بوجهها اعتبروها من بني جنسكم ومشوها يمكن عندها ظرف طارئ
((((((( صقر بيشه ))))))
اشكرك على هذا التعليق واضم صوتي الى صوتك .. المشكله في دوريات بيشه مثل ماقلت عجلين على الضعفاء والشيبان المساكين واما الدواجين فما عندك احد انا ساكن جوار مسجد عمر بن الخطاب في المخطط وعندي شارع كله تفحيط وإزعاج وبزرجه المشكلة كل مااتصل على المرور واشتكي لهم من الأزعاج والله مايجي الا ورعان في الدوريه وزملاء للمفحطين لأن هذولا العسكر قسم بالله انه بعد التسليم يركب سيارته المعربجه ويتمشى في نفس الشارع ،،، والمشكله في هذولا العسكر والله ياجماعة الخير مسكني عسكري على مدخل بيشه الجنوبي واخذ الأثبات وقالي انت مخالف وبعطيك قسيمة تظليل ماقلت شيء لأني فعلا مظلل واناظر سيارته هذا العسكري والله انها مظلله كتم ومنزله ومركب انتل استيشن على سيارته القراندي وقديمه بعد تجادلت معه وقلت له ليش ما تطبق النظام على نفسك اولا وبعدين تطبقه على المواطن تجادلت معه حتى وصل الموضوع عند ظابط الميدان والحمد لله طلع ظابت الميدان فاهم ومحترم وخلاني اروح وبدأ الجدال بينه وبين العسكري ،،،
على العموم افراد مرور ودوريات بيشه من صغار السن المراهقين الا من رحم الله ///////
الله يسقي ايام زمان ايام الأشناب والبترول القديم ،،،
البدوية لا تخاف عليها - عبارة عن عشر رجال- لان رجالهم يطلعون يسرحون بالبهم
او للعمل في مكان بعيد مين يجيب العيال وياكل البهايم ورجلها موهب قريب
فيه فرق بين منال وهالبدوية...البدوية في حالها ومنال تدور المشاكل
فيه بعض التعليقات غبيه جدا جدا يقولون لكم عجووووووز في السبعين راحت تجيب علف للغنم فرق بين موضوعها وموضوع منال قال ايش هذا الي لقيناه من منال منال تبي الشهره وتبي على كيفها هذي عجوز مسكينه المفروض يسمحون لها يمكن ماعندها احد يخدمهااما منال وطقتها لا والف لا مانبي نسوق ابدا اقرو الموضوع زين عقول متخلفه انشري ياعاجل
احسن تعليق
[مضحك جدا !]
ياجماعه ياجماعه شوفوا لنا حل مع السواقين والبنات الي معهم
بنات شباب وسوقين شباب
يسوقون غلط يوقفون غلط
يرفعون الضغط
يجيبون السكر
يسوقون سيارات اكبر من بيوتهم في بلادهم
ما يمديه يلتفت علشان التحرش ما يمديه يتكلم
ما ينام زين طول يومه تحت الطلب
غرفته اصغر من اصغر دورة مياه اكرم الله القراء
الخ الخ الخ وانا عارف الحين واحد يطلع يقول انت مؤيد بلا مؤيد بلا حنين بلا خرابيط
البنت طلعت تدرس وطلعت بطاقه بوجه مكشوف وتوظفت في الإستقبال بوجه مكشوف ووووايضا اصبحت مذيعه بوجه مكشوف وتبهذلت اخر بهذله باسم الحريه اما السياقه انا مع الفتوى وتنظيمهالذوي الحاجه فقط ولا حول ولا قوة الا بالله الهم احفض عرضي وعرض كل مسلم
هذا االلي جنيناه من اصحاب العقول المتحجره
يالله جيبو لها علف وشعير
مو انتم مااااتبون الحرمه تسووق وتقضي اشغالها وحرمتو عليها السواقه يلا انفضو غباركم وتلحلحو وقضو غرضها
ماقول الا حسبي الله ونعم الوكيل فيكم
تحللون وتحرمون على كيفكم
والله الحريم الكبار والصغار من زمان وهم يسوقون بالقرى والهجرمحد جاب خبرهم بس صار الموضوع فيه اثاره لالناس والصحافه ماصدقت خبر انا خوالي من قريه كلهم الحريم يسوقون وويقضون مصالحهم ويروحون للقرى القريبه بعد ولا احد يتعرض لهم او يكلمهم والرجال يشوفون وعادي لان الحرمه تقضي حوايجها وتودي عيالها والا خوانها لمدارسهم وهي تابعه لمنطقه الرياض وعلى فكره شبابهم وشاباتهم كلهم جامعيين
نظام وهابي سعودي متخلف
دع العجوز المسكينة تطعم اغنامها
عنصرية وتطهير عرقي في الوظائف وفوق كل هذا حتى البهيمة متاذية من التخلف الاعمي الذي ليس له حدود ويقولون نظام اذا كان النظام لم يستر ويوفر لقمة العيش الكريمة للعجوز السبعينية وجعلها تظطر الى تربية الاغنام لتوفر الحياة الكريمة ويجرجرون العجوز الى الهيئة بدلا من مساعدتها
العلم انتفخ في بيشة تسوق السيارة
الدين واضح ياعيوني
العلم انتفخ
العجيز تسوق مثل الشيبان
ما تلاحظون عندنا اذا صارت اي قضية بعد كم يوم تصير خمسين قضية مشابهة؟؟
و اذا ما صارت القضية الاولى..الخمسين الثانيات ما تصير منهن و لا وحده؟؟
وش السبب يا ترى؟؟
لامنال ولا عجوز بيشه اخطة
ازمان تقيرالحرمه هي كلشي
ورجل مثل الخروف يتلها
الي فيها بالا الو؟؟؟؟؟
ولكن الله يستر
شكرا شكرا شكراعاجل فعلا انك سقف للحريه وغيرك يتظللون بسقفك اي والله
استخفن ذا الحريم لا بناتهن ولا عجزهن الحمد لله والشكر .. شموا ريحة السواقة وطارن في العجة الله يستر على بناتنا وعجزنا..اللهم لا شماته.
وش ذااا بالله لو جاء واحد من دوله بالغلط وفتحت الصحيفه وشاف الخبر قسم بالله بيحسبه نكته من جد لوووووووووووووووووووووووووووووول تخلف
آنآ ضدسواقه المراه لمآ يترتب عليهآ من مفآسد ..
ياخي وش فيكم انتم صاحين تبون البنات يسوقون طيب عند الاشاره وش يفك البنات من الملاقيف
لازم يحطون ستاره يعني هذا نساء وهذا رجال وبعدين اوقسم بالله ان اللي يبغى البنات يسوقون
تلقى ماله خوات ويبغى يفسد بالارض وحتى لو عنده خوات موب مخليهم يسوقون هذا رائيي انا
تخيلو شباب بكره نسمع اسيرة الحزن على اكورد فضي وريانة العود على كامري عنابي
والموجهات :ام نايف حبتين ..,..والمهجوله
وتصوير مايلي سايرووس هههههههههههههههههههههههههههههههههه
تقبلوا مروري ووجهة نظري ..
دورك ياعاجل ..,
التخبط في الشعب السعودي المستمر الى متى مايعرفون راسهم من كرياسهم ؟؟
ارجوووو حل عقدتهم ..
الشبح!! اعصابك !!
شو دخل انظمة المرور الي تتخذ نفس الاجراءات بجميع انحاء العالم في النظام الوهابي السعودي المتخلف على قولتك؟؟
وربي انك انت الي في قمة الجهل والتخلف!!
الاجراء الي اتخذ بحقها طبيعي كفايه ما عندها رخصه!!
بعدين الحين لو قادت المرأه السياره بحريه بيصبح النظام بنظرك معتدل وبتنحل مشاكل الدنيا كلها!!
مدري ليه
احسك مجرب صنف القذافي!!
صح لسانك اختي امل الشمري
451809 [مضحك جدا !] صاحب التعليق:
ارفع لك القبعة واشكر لك تعليقك الساخر وفي الصميم ونصيحة لك ترى خيالك واسع هههههههه ممكن تنتج فيلم او تكتب قصته على الاقل عن اللي صاير هاليومين من فتل عضلات وعقول ناقصة لا تبحث الا عن ( غطاء القوطي اللي بروسهم ) تحياتي.
بس حلوة س/ ماهو اسمك الحركي في الفيس بوك ؟ههههههههههههههه الله يرجك.100 مية.
ياهوووو هذولا من يوم يومهم يسوقون في البراري ,,,هم وين ومنال واشكالها وين
لكن هم بيجون بطريقه ثانيه عشان يسمحوا للسواقه يمسكون الناس اللي زي كذا في البر وبكره يقولون حراااام خلووو كل الحريم يسوقون
وبكذا يتتمر مسلسل فتنة بني علمان ,,,ومن حفره لدحديره وياقلب لاتجزن
اهلاوية مكه^0^
كلمة حق باقولها لامنال الشريف اخطات ولا خرجت من الملة
ولا بنت القطيف اخطات ولا خرجت من الملة
ولا شايبة بيشة اخطات ولا خرجت من الملة
حريم مساكين مالهم احد بعد الله الا انهم يقومون بخدمة انفسهم
ويحاولون انهم مايحتاجون احد لان وربي معد في رجال هالايام
وفي كثير من الحريم يبون يسوقون تدرون ليه لان ماعندهم
رجل يتحمل حتى مسئولية نفسه لكن باذن الله الواحد الاحد
انها مسالة وقت وربي كريم وقادر
واللي يقول انه يوصل اهله ويجيبهم اقوله انطم وتكلم عن نفسك واهلك بس
ومالكم شغل ببنات الناس
اتمنى من ملك الانسانية ان يصدر قرار بقيادة المراءة
احنا بنات الاسلام انذلينا
ماحد طلبك رايك
ورايك لايقدم ولاياخر
بس اقولك الكلام هذا عشان ماتخذين في نفسك مقلب بقوة
ولآ آنتي آحد آخذ رآيك .وآنشآء آلله مآيسوقون,
اوكيه بنشوف !!!!
اوكيه بنشوف وبنسوق غصبن عن الكل اذا انتي خايفة على بعلك
اربطيه عندك بالبيت ولاتخلينه يطلع وانتي سوقي واطلعي ومشيه واربطي على عيونه
اصلن الحريم اللي يرفضون القيادة عشان القرود اللي عندهم يخا فون عليهم ويغارون