وزير الصحة يكرم موظفاً بعد رفضه رشوه قدرت بنحو 500 ألف ريال

كرمت وزارة الصحة احد منسوبيها بعد رفضه رشوه قدرت بنحو 500 ألف ريال ( خمسمائة ألف ريال ) عرضتها إحدى الشركات الطبية المتخصصة بتوريد أجهزة التعقيم والنظافة مقابل ترسيه احد المشروعات عليها. وقدم وزير الصحة الدكتور عبد الله بن عبد العزيز الربيعة شكره وتقديره لمدير إدارة الخدمات المساندة في مستشفى الملك فهد التخصصي بالدمام عبد الله الفعيم الذي أبلغ المدير العام التنفيذي للمستشفى الدكتور خالد الشيباني عن تعرضه لرشوه من قبل إحدى الشركات المتخصصة التي دخلت في منافسة مع عدة شركات مماثلة وتم اتخاذ الإجراءات النظامية في مثل هذه الحالات.
وقال الوزير خلال استقباله له اليوم بمكتبه بديوان الوزارة : " أشكركم على أمانتكم ونزاهتكم وضربتم مثلا يحتذي به وان مثل هذا التصرف دليل على ما تتمتعون به من أخلاق حميدة جبلنا عليها ديننا الحنيف وحرصكم على الحفاظ على المال العام.
اول شي كل عام وانتم بخير
ثاني شي ما اقول غير الله يكثر من امثال هالذيبان ..
الله يوفقه و يبيض وجهه و يعوض عليه بخير منها
نحتاج لمثل هؤلأ في بلدنا
كرموه بإعطائه مبلغ مالي ماهو درع وصورة
الله يكثر من أمثالك
كل عام وكل أمين بألف خير
الله يكثر من امثاله ويوفقه ويثبته
ويعوضه عن النص مليون بمئات الملايين
في البدايه مبروك عليكم الشهر ومن ناحية رشوة فاقول الله راح يعوضه احسن من الخمس مئة الف والله هذا المفروض يكرم بكل مكان ونعم فيه
كل عام وانتم بخير وشهركم مبارك ولكن هذا الموظف الذي رفض تلك الرشوة وتم شكره من قبل الوزير هل تمت مكافأته ماليا فهذه الشركات تدفع مبالغ ضخمة ويوجد هناك الكثير من الناس الذي من الممكن أن يضعف إيمانه ويأخذ تلك الرشوة مما يسبب الأذى لباقي المجتمع وشهادات الشكر والتقدير ما تؤكل عيش
ليش ماتعطونه نفس المبلغ او هديه لايقه في امانته للوطن ماقول الا الله يوفقه ويستر عليه
اتوقع ان الدرع كثيره يعني لو معطينه قلم وسبحه يعلقها في مجلسه او بسيارته تصير ترمز لامانته ويشوفون الناس ايش مقابل الامانه
المفرووض ترقونه او وتكرمونه بمبلغ علشان لجته رشوه مره ثانيه يعلم مايسكت
ونتمنى جميع مدرا القطاعات يقتدون فيه
إدارة الخدمات المساندة في مستشفى الملك فهد التخصصي بالدمام عبد الله الفعيم يعني المخلص يذكر اسمه والمجرم لا يذكر اسمه والله هزلت المفروض الشركه يشهر فيها وتمنع من اي منافسات لهذهي الشركه
المفروض كل موظف يبلغ عن رشوه يعطى نفس المبلغ الذي عرض عليه و تمت مصادرة من الراشي بكذا اي موظف تعرض عليه الرشوة يكون حربص على الابلاغ عنها لانه في النهايه سيأخذ المبلغ حلال عليه
لا تعطونه فلووس
بس سوله ترقيه مرتبتين
غبي , هذي 500000 ريال
راتب وظيفتك 20 سنة
الله يكثر من امثاله
والله انه رجل قد المسوليه
ارجو الاتكون مسرحية محبوكه تمهيدا لعمل اكبر
اقول متى جاء الشرف والنزاهه الشركه ما عرضة المبلغ من الباب للطاقه يفترض يحقق معه حتى تتكشف الحقائق
المفروض التكريم يصير نفس المبلغ المعروض علية وبعدة تشوف الرشاوي زي الرز مو بدرع والا ميدليةالعالم تبي فلوس موبدروع
هذا يدل على ان الرشوة منتشرة بالمجتمع كلة وكل الاعمال ما تمشي الا بالرشوة
ماشاء الله بث فينا الامل
ليت يكافؤنه بشهر اجازة سنويا طوال مدة خدمته
الله يعوضه بالبركات والصحة وصلاح الذرية
غلطان ليش مااخذ الرشوة بنيه انها دين يحسن وضعه وبعدين يسددهم حتى لو مايرسي المشروع عليهم الفرص ماتتكرر وش يستفيد من الدرع وكلمة شكرا ولو يغيب
بكره خصمو عليه غلطااان حيل مايعرف قيمة الفرص المسكين
والله انه موضف خبيل 500000ريل ويرفض بالله عليكم بيفيدة التكريم طالما
انها مناقصه نظافه خذ نص مليون مثلك مثل غيرك وبعدين مالك ومال اناس
لان الصحه عندنا ففادول وشكرا
لله درك يابو ابراهيم وحق لعائلة الفعيم من الشماسيه ان تفخر بالرجال الامنا امثالك
اقول وري مااخذتها بلا تبن صدقني ماراح يعطونك غير هالصوره وتظرب الباب الديون قضت على جميع امالنا وانت تنتظر كلمة شكرا
الله يجزاك خير وفئه قليله من الاوفياء للاوطن يفعلون كذا واتمنى من الوزراء ان يتعلوا شيئا من ذلك
؟؟؟؟؟؟؟؟ كيف مندوب الشركه يتجرا ويطرح هذا المبلغ المالي للاستاذ الفاضل ؟؟؟؟؟؟؟؟؟؟؟؟؟؟؟؟؟ استغرب من ذلك ويجب التاكد من الصفقات السابقه للمشاريع الاخرى ........وشكرا
وقال الوزير خلال استقباله له اليوم بمكتبه بديوان الوزارة : \" أشكركم على أمانتكم ونزاهتكم وضربتم مثلا يحتذي به وان مثل هذا التصرف دليل على ما تتمتعون به من أخلاق حميدة جبلنا عليها ديننا الحنيف وحرصكم على الحفاظ على المال العام.
إستقبالك يا وزيييييير .. ما يأكل عييييييييش ....!!!
أكرموا الرجاجيل .. ترى الجوع كافر ..
والحق قبل ماياجيك الدور ويحطون كريسيك في المزاد ..
يكفي انك منعت المال الحرررررررام (( يددخل )) في جيبك..
والمال الحررررام مافيه (( برركه )) ومن اسباب عدم اجابه الدعاء..
يعني الي سويته فيه خير لنفسك اولا قبل غيررك
شهر مبارك علي الجميع
المفروض يعطي مبلغاً اكثر من الذي عرض علية ويعلن امام الجميع اويرقى اوحتى سيارة تسلم لى ويتم تصويرة
حتى تكون حافز لة وللجميع وش يبغى بدرع قيمتة لاتتعدى 100 ريال هذا جالة 500 الف يسال لها العاب الله يكفينا
شكرا له لكن هذا يدل ان المتابعة لدينا ضعيفة في القطاعات المالية .
والله يا عم بيضت الوجه و الله يعوض عليك