حريق داخل أحد أحياء بريدة يقضي على 40 نخلة

احتوت فرق الدفاع المدني الحريق الذي اندلع في حي النور في مدينة بريدة فجر الأثنين وأتى على حوالي 40 نخلة كانت بالقرب من منازل سكنية ، وذكر نائب الناطق الإعلامي للدفاع المدني في منطقة القصيم النقيب جلوي الحربي أن الحريق وقع بسبب إحراق مخلفات أشجار وحشائش قريبة من الموقع إلا أنه تطور وطاول أشجار نخيل كانت مزروعة على مساحة 300 م2 تقريباً .
وأضاف أن فرق الدفاع المدني في بريدة وفور تلقيها البلاغ باشرت الحريق تساندها فرق إطفاء من محافظات البكيرية وعنيزة والشماسية ، إذ تم عزل الحريق عن المباني السكنية المجاورة وتم إخماده ، ولم يسفر عنه أي إصابات .
باشر الحريق إلى جانب الدفاع المدني فرق من هيئة الهلال الأحمر السعودي ودوريات الأمن .
جدير بالذكر أن إحراق المخلفات والأشجار والحشائش بغية التخلص منها داخل بعض أحياء مدينة بريدة هي ظاهرة تتكرر مابين حين وآخر .
الحمد لله عوافي.
بس بأي مكان حي النور هذا؟
الله يستر عليناا
مكان الحريق بجوار مستشفى الملك فهد التخصصي ببريده من جهة الجنوب . لا أدري لماذا أخفى المندوب هذه المعلومة !!!
ممكن نعرف حي النور وين بالتحديد(((لا يكون الصباخ والا خضيرا)))صاير لهم اسم جديد
وساندت فرقة بريدة فرق من البكيرية وعنيزة والشماسية وراس تنورة ؟!!! لآطفاء حوالى 40 نخلة وعجبى منكم اين فرق الدفاع المدنى الاخرى الموجودة فى بريدة ولماذا تستنجدون بفرق المحافظات المجاورة بعدين لو سمح اللة واحترق احد المجمعات السكنية من سوف تستنجدون فية بفرق المحافظات والمدينة المنورة وابهاء وحائل والجوف يعنى بنتظار هالفرق سوف ينصهر الحديد ويموع اويبرد وانتم اتجمعون سيارات اطفاء لاتقولى الخطة هى عدم سحب الفرق الاخرى المفروض يكون لديكم مركز رئيسى للاطفاء يكون موقعة فى وسط مدينة بريدة يكون معزز لاى فرقة اخرى وكذالك يكون مجهز بخمس طائرات هيلوكبتر تتحرك عندما يكون الحريق سطحى او راسى اذا دعت الحاجة لها الهند وهى الهند جهزت الاطفاء الجوى وهى دولة شبة فقيرة ونحن يقولون اننا دولة غنية بس ماشفناء شى ولاطفاء الجوى يعد على اصابع اليد الواحدة وكذالك من المفترض ان يكون رجل المطافى قوى البنية وليس بدين البنة مثل ربعناالواحد منهم وزنة مثل وزن وايت المطافى ونقول للمسئولين نرجو عدم التبذير فى اشياء ملها داعى يعنى امهايط وتجهيز جميع المدن بمايخدم المواطن ويساعد على سلامتة بعد اللّة اعزك اللّة يابلادى ودمتم
يعني نفهم من الموضوع ان التمر السنه هذي راح يغاة زود ؟؟؟؟؟
كل النخل الي احترقن فحولة ههههههههههههههههههههههههههههههه
الحمدالله على سلامتهم
لكن اتمنى من صاحب الخبر التاكد من السبب قبل الأدلا في الأسباب
لأن لم يكن من اهل النخيل الحريق انما بفعل اشخاص اخرى
وشكرا
اللي يسأل عن حي النور خلف الشارع التجاري
الله يعوض راعيه
فهوودي مسوي فيها فاهم ..!!
تطبيق خطة الأسناد معنها تطلع أكثر فرقه مثلآ من عمليات الصفراء فيكون المكان مافيه سيارات إطفاء ..كذا يطلبون من كل وحدة في الدفاع المدني إنها ترسل فرقة للعمليات الصفراء عشان مايكون نقص في غرفة العمليات في الصفراء ولوو أحترق شي ثاني تابع لعمليات الصفراء يكون موجود أكثر من فرقة إطفاء..
وعن الأطفاء الجوي فيه في بريدة لكن الحاجة لاتستدعي إطفاء جوي ..الأطفاء الجوي للغابات و الحرآئق المرتفعه مثلآ موفنبيك لو احترق راح يكون هناك إسناد جوي ..
وأتمنى أي وآحد يقول نفس كلام الأخ يجي أ و يزور اقرب وحدة دفاع مدني ويشوف الشغل والتعب الموجود هناك ..
أو زيارة غرفة عمليات الصفراء وشوف البلآغات خلال 10 دقايق كم ..
وشكرآآ
من المعلوم ان البلدية لاتسمح بأعطاء صاحب الارض صك سكني لان الصك زراعي فلا بد من أحراق الاشجار بطريقة حلوة وإزالة النخيل بعد الحرق ومن ثم تقديم الارض للمحكمة لتغيير الصك من زراعي لسكني أرجو من الشرطة التحقيق بالموضوع
على من تضحك ياصاحب الارض غيرك سواه ومع الاسف نجح
حي النور = حي النازيه....... بين التخصصي والشارع التجاري
لاكن هذي مو اول مره تصير هالحاله ولعلهن خلصن هالنخل وفكونا منهن
يقول الخبر:
جدير بالذكر أن إحراق المخلفات والأشجار والحشائش بغية التخلص منها داخل بعض أحياء
مدينة بريدة هي ظاهرة تتكرر مابين حين وآخر .
الله من الزين بس
يعني ما عندهم وايتات رايحين لم عنيزه والبكيريه والشماسيه
ههههههههههههههههههههههههههه
فهودي رد جميل ومضحك في نفس الوقت لله درك
حي النور هو حي النازيه جنوب مستشفى التخصصي والنخل ميت له سنين ودمتم
والله انك صادق يا فهودي البدانه برجال الدفاع المدني والله اني كل ماشفت واحد يشتغل بالدفاع المدني والله اني افطس من الضحك عليه بطن ما اقول الا الله يهون عليه
الله يعوووض عليه
والمشكله مع قررب سووق التموور وربي رحمته
الرزق من الله سبحانه
أتمنى من الدفاع المدني وضع رقم ساخن
للتبليغ عن العمالة التي أشغلتن وخنقتناا باحراق مخلفات الاستراحات
والمصيبة اذا كان الحرق يحوي بلاستيك
السلام عليكم ورحمة الله وبركاته
كل عام وانتم بخير انا اتوقع يمكن بحكم اسعار الاراضي مرتفعه احرق صاحب المزرعه عشان يخططها اراضي سكنيه او يوزعها على المساكين والغقراء بس متى ينزل القرض من صندوق التنميه العقاري ....
هذ والحريق بصيط 0 مصحون حتى يصير كارثه كبرى والموتا بالااف والصحف تكتب عنة يمكن يسمع الوزير ويصحى 00 هذ باغنا دولة بالعالم ماعندة امكنية الصيطرة على كم نخلة بعض الدول الفقيرة عندة الطائرات لاسعاف المرضا ونحنو لايوجد عندنا حتى السيرات التي تفوم بي اسعاف المرضى حتى الطرقات السرعة لايوجد بها مراكز اسعاف المواطن يومت قبل مايصلا الاسعاف 00وين المليين والميزنية الضخمة
(
من المعلوم ان البلدية لاتسمح بأعطاء صاحب الارض صك سكني لان الصك زراعي فلا بد من أحراق الاشجار بطريقة حلوة وإزالة النخيل بعد الحرق ومن ثم تقديم الارض للمحكمة لتغيير الصك من زراعي لسكني أرجو من الشرطة التحقيق بالموضوع
على من تضحك ياصاحب الارض غيرك سواه ومع الاسف نجح)
مااقول لك الا ان بعض الظن إثم ..
والحمدلله صاح المزرعه مو محتج الصك الي تتكم عنه ..
ونفرض انه حرق الارض عشان كذا معقووله بيحرقه الساعه 2 بليل والناس نايمه والله لو ماله عقل مااسواه حتى ... لكن مالنا الا ان نقول حسبي الله ونعم الوكيل عالفاعل ...ز
واقول لاي واحد مايدري وش السالفه لا يتفلسف ويقول كلام مايعرفه
او تتكلمون عن صااحب المزرعه ونيته
والله يرزق صاحب المزرعه ع قد نيته ياااارب .....
النخل مو ميت له سنتين مثل ماتقولون وآضح طبعآ لآن كل يوم أمر من المزرعه
وبعدين من قال ان صآحب المزرعه حرقها اظن مو غبي للدرجه هذي يحرق مزرعه فيها اكثر من 200 نخله وفيها بيت واروآح عشآن صك سكني وبعدين المزرعه فيها بيت بسس من الجهه الثآنيه وممكن لو محد انتبه للحريق كان الحي بالكآمل يروح لآ سمح الله
ياليت مره ثانيه ماتطلعون كلآم ع النآس من غير ما تتاكدون
الله يكون بعونه ويعوضه الخسآير اللي خسرهآ
انا سآكن بنفس الحي وبيتنا قريب للمزرعه يعني شفنآ الحريق كله وان شاء الله ان اصحآب البيت يكونو بخيير
كل عآم وانتم بخيير وتقبل الله صيآمكم وقيآمكم