الأمن العام يعلن عن فتح باب القبول والتسجيل للدورات العسكرية برتبة جندي

أعلنت شؤون التدريب بمديرية الأمن العام عن فتح باب القبول والتسجيل للدورات العسكرية برتبة / جندي / في تخصصات الأمن العام المختلفة لخريجي الثانوية العامة أو مايعادلها وذلك للعمل بالأمن العام بعد التخرج ويكون القبول بمدن التدريب التابعة للأمن العام في كلاً من / القصيم - الرياض - مكة المكرمة - عسير - الشرقية - المدينة المنورة / .
ودعت مديرية الامن العام الراغبين في الالتحاق بالخدمة العسكرية التسجيل عن طريق الموقع الالكتروني للأمن العام على الرابط الأول / http;/www.psd.gsd.sa / والرابط الثاني / http;//www.training.sccurity.gov.sa / اعتباراً من يوم الثلاثاء الموافق 23 / 3 / 1431ه .
وأوضحت أن التسجيل سيستمر حتى اكتمال العدد المطلوب مع ملاحظة التقيد بالشروط والمستندات المطلوبة الموجودة في الموقع الالكتروني وسوف يكون الحضور والمراجعة بعد التسجيل عند الساعة السابعة والنصف صباحاً حتى الموعد المحدد عبر الموقع لكل متقدم ولن يقبل أي مراجعة في غير موعدها وتاريخها المحددين حسب اليوم والتاريخ والمكان المعطى للمتقدم من خلال الموقع الالكتروني مع ملاحظة الحضور الزي الرياضي وحلاقة الرأس رقم / 1 / .
واشترط الأمن العام أن يكون المتقدم سعودي الأصل والمنشأ ويستثنى من ذلك من نشأ مع والده في وظيفة حكومية خارج المملكة وأن يكون حاصلاً على شهادة الثانوية العامة أو مايعادلها وأن لا يقل عمره عن / 17 / عاماً ولا يزيد عن / 30 / عاماً واجتياز اختبارات القبول والمقابلة الشخصية النهائية واجتياز الفحص الطبي وأن لايقل طول المتقدم عن / 168 / سم وأن يتناسب الطول مع الوزن حسب اللائحة الطبية وأن يكون حسن السيرة والسلوك والسمعة وغير محكوم عليه بحد شرعي أو جريمة مخلة بالشرف والأمانة وأن لايكون موظفاً في أي جهة حكومية او سبق له العمل على نظام الخدمة العسكرية وان لا يكون متزوجاً من غير سعودية وأن لا يكون محكوماً عليه بجريمة مخلة بالشرف والأمانة .
وأبانت المديرية ان الوثائق المطلوبة للتسجيل عند المراجعة بمدن التدريب هي أصل بطاقة الأحوال المدنية وأصل شهادة الثانوية العامة وصورة مصدقة منها من مصدرها ، وأصل شهادة حسن السيرة والسلوك ، وصورة مصدقة منها من مصدرها وعدد / 6 / صور ملونة حديثة مقاس / 4× 6 / كاشف الرأس وملف ترتب بداخله جميع الاوراق المطلوبة إعلاه ، ونموذج من الموعد محدد فيه اليوم والتاريخ للحضور إلى لجنة القبول ومن يتخلف عن الموعد المحدد يتم استبعاده ولن ينظر لمن لم يحضر ورقة الموعد ويتم الاستعلام عن موعد المراجعة عن طريق الموقع بإدخال رقم الهوية الوطنية ومن يتم قبوله عليه إحضار نموذج فتح حساب لدى أحد البنوك المحلية عند حضوره لتسليم كامل اوراقه مع ملاحظة أنه لن يتم النظر في طلب أي متقدم مخالف للشروط الموضحة بعاليه.
تكفوووووون عجزت اسجل وشلون فزعكم
لاتتعبون انفسكم ترا كل الدعوى فيتامين واو
( )
يا نايف التسجيل ما بدأ بعده ليلة الثلاثاء الساعة 12
يبدأ واللي يقول با لواسطة ترا غلطان انا العام مسجل ولد
اختي وبدون واسطة وانقبل ولله الحمد
الأخ / نايف .. صاحب التعليق الأوّل .
لايتم التسجيل إلا عندما يفتح الموقع بالموعد المحدد .... تحياتي .
ملاحضه هامه ياشباب الشروط المذكروه مهمه نرجو منكم عدم الأهتمام بها والأهتمام فقط بأحضار الواسطه تنبيه مهم الواسطه لا احد يقول شهادتي طولي وزني استحو على وجيهكم تبون تقدمون على وظيفة جندي بعد كد 12 سنه دراسه واختبارات واحضر ولي امرك وناجح وراسب ودور ثاني وماعندك واسطه عالم مايستحون
يارجال التسجيل مخلص ولد عمي معه واسطه ومخلص كل شي حتى البصمات ومواعدينه بالدوره بعد 3 شهور ومنزلين خبر ومعلقين موقعهم علشان الاعلام بس الشغله مهزله الله يغنينا عنهم قهر 4 سنين وانا اطارد وراهم ولين اليوم اطارد ولا حصل لي شي الله يرزقنا اللي احسن منه
ادرسوا وخلوا عنكم العسكريه
تخيل تتزوج ويجيك ولد ويسالك واحد وش يشتغل ابوك تقول وكيل رقيب بالشرطه امحق شغله
فرق لمنه قلت مدير بوزارة او ادارة
لااااااااااالالالالااااااااااالالالااااااااااا تهمكم
طيعوا شوري
لو به خير كن النا مادخلت جامعات لكن الي متسكره الدنيا بوجه وهو بالاصل هو الي مسكره يدخله والله يوفقه
الله يالدنيا الحين على رتبة جندي ويحتاج فتامين واو!!
شباب نصيحة حاولوا تدرسوا في الجامعة والرزق بيد الكريم،،
أتمنى لكم التوفيق،،
وأهم شيء صلاة الإستخارة قبل كل شيء،،
نصيحه اللي بايع عمره يدخل عسكريه كرف ودوام طويل واخطار مقابل راتب قليل ترقيات بالروح التاسعه اهانات من قبل الضباط للفرد وتهزيء والنهايه تقاعد في الاربعينات بدون ان يتمكن الفرد من تأمين مستقبل اولاده او شراء منزل والراتب التقاعدي قليل جدا ممكن يصير الف وسبعميه لان الراتب الاساسي قليل والباقي كله بدلات تسقط عند التقاعد ..لذلك البقاء عاطلا خير من العسكريه لانك سوف تتقاعد بدري وتروح تدور من يظفك انت وبزرانك ..او تشتغل سكيوريتي براتب الف ريال ..
يجب على المديره العامة للامن استقبال كافة خريجى الثانويه والمتوسطه والابتدائبه لحيث ان الوطن بحاجة ماسة الى التجنيد فالحدود كبيره وطويله مع الدول المجاورة ولكثرة العاطلين عن العمل من الشباب فتجد فى المنزل الواحد فيه 4 شباب او اكثر حاصلين على الثانويه او الجامعيه او المتوسطه او الابتدائيه فهم عالة على ذويهم فلابد من استحواذهم بالسلك العسكرى الذى فيه خدمه للوطن وكسب معبشه وقضاء على البطاله فيجب ملاحظة ذلك من القائمين على المدن التدريبيه وعدم القبول على حساب الطول او الوسامه فالطول يجب ان لايكون عائقا ف160 سم كافيه والحدود مع اليمن تحتاج الى 10 الاف جندى يحرسوت الحدود والحدود مع العراق تحتاج الى 7 الاف جندى والحدود الشرقيه ىوهى الخطيره تحتاج اتلى 15 الف جندى لحماية البترول والرقابه على الاحياء المجاورة له من الاخوة الشيعه والحدود مع الامارات تحتاج الى 3090 جندى ويجب ان يكون راتب الجندى 5000 الاف ريال فى الشهر خمسة الاف هذا مع الاحتياج الداخلى للوطن فى الحج والطرق السريعه وفى الجوزات وفى المرور %%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
الله يرحم زمن سنة الغرقه يوم اللي معاه ثاني إبتدائي رتبته رقيب
والحين ثانوي وجندي منتف ويتقاعد على جندي أول
السيف الأملح يابومتعب للوظائف المتدنية
الاستاذ نايف التقديم يوم الثلاثاء
ثاني السليفر حق الموقع بيكون مضغوط والتقديم احسن لك عن طريق المقاهي علشان السرعه عاليه وحاول من عندك ان شاءالله يفتح الموقع
ثالثا ا1ا رفض اضغط على f5 واذا مافتح اضغط عليها وكرر المحاوله ان شاءالله يفتح
رابعا حاول تسجل باوقت مايكون فيه زحمه يعني على الساع3 وبعد الفجر يفتح معك اسرع من الاوقات الاخرى
وباتوفيق للجميع واذا قبلت وتخرجت ووظفت ان شاءالله ياوليك لو عطيتني قسيمه هههههههههه
ياشباب نصيحة لحد يدخل عسكرية برتبة جندي خلونا نسوي اضراب زي حملة خليها تصدي وتشوفو يوم ينزلو وضائف برتب عالية لأنهم راح يتقاعدو افراد ولا راح يلاقو احد يحل محلهم
اعوذ بالله حتى على وظيفة جندي سلتوح يحتاج واسطه .. والله فشيله
تخيل تتزوج ويجيك ولد ويسالك واحد وش يشتغل ابوك تقول وكيل رقيب بالشرطه امحق شغله
فرق لمنه قلت مدير بوزارة او ادارة
88يسالك ولا يسال ولدك والله من كتابتك واضح انك وكيل رقيب هعهع ولا تعرف تكتب خل العالم تقدم هو حصل وضيفه ويعتمد على نفسه افضل من انه يقعد عاله على ابوه
الاخ ابو وليد بلا انانيه انت قاعد تحبط في الناس عشان ما تقدم ولا بس لعبه من عندك عشان يصفالك الجو وما حد يقدم ايلا انت وغيرك لا
صاحب التعليق ابو شهد استح علي وجهك مستعد اقسم باللة انك مانتة رجل وثانين العسكري اطلق من شاربك لانهم يحمون البلاد واذا حصل اي شي من بعض الكوارث ما يقف بالمواقف الصعبة الا هم واعتقد انك عاطل عن العمل وعالية علي اهليك يالمسكين وهذي هي الحرة الي بكبدك اه بس لو اعرفك زين يا شبية ختة نفكك من الرجال زي ما نفكها منهم
السلام عليكم
يأخوان الظلم ظلمات يوم القيامة
التسجيل راح يبدأ واللي يقول أنه منتهي هذا شخص يغالط نفسه
واللي يقول واسطة وكذب ونصابين سيشهد لسانة ويداه على هذا الكلام الذي قاله أو كتبه يوم الحساب
لي مقربين بأحد مدن التدريب وهم لهم اسبوعين يجهزون عشان التسجيل
واللي يسحقر العسكرية خلك أبنك أو أخوك يجلس عندك بالبيت ومش له راتب أكثر من 6 آلالاف ريال شهرياً مثل راتب الجندي الآن
الأوضاع تغيرت الآن وراتب ألفين كان من الماضي
رجائي أي واحد عاطل يسجل والله يرزقه
أفضل من أنه يجلس بالبيت وبعدين يصير إرهابي تكفيري بغيض
العسكري سلامات ياخوي انت شوف تعليق خالد وتفهم تعليقي على مين يا بطل وعلى فكره انا ترى عسكري ومرتاح ولا فيه تعب ولا شي ركز يا خوي في المسجات بعدين تكلم
العسكري بلله ترجم لي \\شبية ختة نفكك من الرجال زي ما نفكها منهم/
اذا سبه الله يسامحك وبس لانك ضلمتني هئ هئ
الله يوفق الجميع ان شاءالله ،
بس وربي فيه ظلم ، انا السنه اللي راحت قبلون قبول مبدئي وقالوا لي جب كذا وكذا وكذا وجبت لهم كل شي وحلقت قرعه وحالتي حاله وآخرته يقولون لي قصير طولك 166 وانا وآقسم بالله اني من طلعتي على الدنيا وانا اقيس طولي ويقولون لي طولك 168 وهذا ان دل دل انهم منقصين من مقاس الطول اللي عندهم وربي ظلم واذا كانوا متعمدين ينقصون المقاس ماقول الا حسبي الله عليكم ، والله اني مليت وحامت تسبدي ابي اتوظف ابي اتزوج واشري سيارة جديده ميخالف لو اقصاد وابي اطرب زوجتي مع ان راتبهم مابه بركه ابد بس ميخالف انا قعيطي شوي والله اني مليت ياناس ادعولي وربي نيتي زينه ابي اتظوظف عشان اتزوج واستانس وينك يابونا عبدالله تشوف شعبك شلون مذلولين انا اتمنى اني اقدر اقابلك يا بونا ياعبدالله والله لا افضفض لك والله يابوي ياعبدالله اني اتمنى اني اشري سياره كورلا او اي سياره صغيره ولا قدرت عليه وبعض الايام اتمنى اني اموت ولا اعيش هالحياة ياخي اللي ابيه منك يابو ياعبدالله انك توظفن وتزوجن وتحط لي بيت ملك وبس ، وادري مهوب ضارك شي سواء انت او غيرك من الاسره الحاكمه ، اتمنى ان كلامي يوصلكم عشان تساعدونن وتكسبون اجري .
الله يكون بعون كل شريف سيدخل هذه الدورة
ويعينه على المدربين المراهقين الجهلة
الله يرزقكم طووووووولة البال
انا بضيف بس رد للااخ خالد ليش شفيه الوكيل رقيب المهم وضيفه تلقاك انت باطل عاطل ومقاابل الانترنت 24 ساعه
وبقووولك شي لو يصح لك جندي ازين من هاالجلسه الي جالسها...
وظايف ؟؟؟؟؟؟؟؟؟؟؟؟
محجوزه لاهل الواسطه لاحد يتعب عمره ونزلينه خبر بعد والله حاله
مجدي عندك حظ عظيم ان أحسدك يا حظك
انا والله كل ما أقدم اجلس عند الباب ويصير تدافع واشوف الجيوب والرجال معاهم بشوت يدخلون المهم لما أقرب يغلق الباب ويقول العسكر الله يصخط عليهم وعلى ضباطهم (اكتفينا الله يرزقهم ) وانا أقول الله يضيع تعبكم .
عمري تعدى الثلاثين كل ما أقدم يرفضون طلبي
وبشركم صار عمري 35 وعاطل شفلي حل يا الجندي الوطني