قصيدة الشاعرصالح بن سفران الشريفي

احيان اهني صاحب المال بالمال
واحيان اهني صاحب الفقر فقره
واحيان اكشخ والبس شماغ وعقال
واحيان اسير ولا على الراس غتره
الناس فيها هم يا طيب الفال
خذ لك من ايامك وانا خوك عبره
ترى أختلاف الحال حالن بعد حال
يعطيك فالدنيا مع الناس خبره
كم عاش فالدنيا فقير من المال
ما فاد غير ونعم حتى بقبره
وكم ولد لاش عاش في بارد ضلال
ما فاد شي ومات زوله وذكره
والوقت نفسه ما تغير ولا زال
يوم وسنه والشهر هو نفس شهره
بس البلاء بنفوسنا صابها هبال
نركض بهالدنيا على غير دبره
بعنا الصبر من شان تحقيق الامال
واثر الامل مربوط في طول صبره
ومجملات الهرج قلنا وذا قال
في رجل ما يسوى لتعظيم قدره
ما كل منهو يلبس البشت رجال
يبرك ويشتال الثقيله بظهره
فيا هيه ياللي غرك الوقت تختال
(كلن يعيش بحسب رايه وفكره)
كتبتها من طيب مدري من هبال
وقفلتها يوم القلم جف حبره
الشاعر/صالح بن علي ال سفران