رسالة الشاعر محمد بن نغموش الى الشبل شايق بن عبدالله

لفاني الخبر وارتج له قلبي المصروم
صريم العذوق اللي من الجذع مصرومه
انا البارحة في مضجعي ما عرفت النوم
على دفتر الاحزان والنفس مضيومه
اصدق بعض الأحيان واحيان اقول حلوم
ابا ارثيه وحروفي من الحزن مسمومة
هل الشعر مكلومة وانا مثلهم مكلوم
وحزين على فقد الشغاميم ما الومه
يا شايق يا بن شايق يا شغموم ابن شغموم
ترا الناس من حزنك حزينة ومكلومه
يا شايق يا شبل القسورة من نجيب القوم
تصبر وحق العبد يرضى بمقسومه
يقولون باقي طفل ما قد عليك هموم
واقول آل عاطف شبلهم يزهل علومه
صغير وفي عيني كبير ونسل قروم
وخذها بقلبك طول الايام معلومه
ترا البر في والدك يبدا معك ذاليوم
مادام ان سلومه طيب فانهج على سلومه
اعزيك واصبرك في مفقد الزيزوم
مقادير وخطا العبد عجله ومرسومه
قبور البعض من طيب أهلها لها مقسوم
تجي جنة لو هي من الطين مردومه
محمد بن نغموش