ياكبر المصاب اللي على ﻻبيتي كبراه فقدنا رفيق جعل مثواه في الجنه وياطوي قلبي طوئ حبل على مطواه على فقد عايض والهواجيس يطونه فقدنا رفيق كل ما كبر الحمل ننصاه كثير العرب ﻻثقل حمله تنصنه على فقد عايض جر ذيب القعوم عواه ومثله ذياب من الرجاجيل ﻻحنه ويبكيه صندوق رحل عنه وخلاه يساهم ويدعم ﻻتغطرس وﻻ منه وفقده اليتيم اللي من الحزن زاد بكاه وفقده الضعيف اللي ماحد ناشد منه عسى كل خير قدمه في الخفا يلقاه ملاذ الفقير اللي ظروفه تعادنه ملاذ ال ذي من قل حيله وقصر خطاه حزام الظفر حتى الغنادير يبكنه يبي يجمع ربوعه ولكن ماعاد امداه يسابق زمانه غير اﻻقدار صابنه رحل عايض اللي تفعل الغانمه يمناه ومن عرفنا له يتبع الهدي والسنه عسى جنة الفردوس ياربعنا مثواه ويجبر عزانا فيه ويعوضنا عنه عسى ان العوض في اخوانه اللي على ممشاه ويوفون شيئ كان في باله وظنه ويا عبدالعزيز الله يعينك على فرقاه تصبر عسى الله يرحمه ويعفى عنه وﻻ غاب نجم من الرفاقه طلع وراه نجوم تبرد ﻻهب الجوف فالكنه وياكبر المصاب الي على ﻻبيتي كبراه فقدنا رفيق جعل مثواه في الجنه الشاعر سعد بن عبود بن صمدان الخزماني
