ايام زمان يعني قبل زمان العولمة اللي ما جانا من وراها خير كان ضرب الطفل وتلحيطه من امه وابوه شي عادي، وما كان فيه بزر يزعل والا تندمر نفسيته اذا مسكته امه اوابوه وصفقوه لين يتفل العافية، كان الكثير من الأهل ما جاب خبر وعلى اتفه سبﺐ يمسك ورا عينه ويلحطهم لين يشوفون نجوم الظهر، وتلاقيهم بعد التلحيطة بنص ساعة يتراكضون ويلعبون وكن ما صار شي، حتى في المدارس كان المدرسين ما يمشون في اسياب المدرسه الا وكل مدرس معاه عصى، وكنا اذا لقينا عصى على الطاولة نعرف هي عصى ﺃي مدرس لأن كل مدرس له عصى مميزة جدا، كان اكثر المدرسين يشتري خيزرانه ويلف عليها شرطون يختلف لونه عن المدرسين الثانين وبعض المدرسين اللي حالتهم المادية زينه يكون لاف على الخيزرانه لونين من الشرطونات. ولي امر الطالﺐ ايام زمان هو اللي يقول للمدرس لك الجلد ولنا العظم، كان الابهات او بمعنى اخر الوالدين اكثرهم يضرب باللي بيده حزة الزعل، عاد انت وشطارتك ان ما قدرت تدبر امورك وتروغ عن الضربة ممكن تسبﺐ لك دمار شامل تقعد تون منه اسبوعين كاملين بلياليهن، العن شي لا نحذفت بحذاء كرمكم اﷲ؛ لان الحذاء ما له مسار معين يقعد يلف ما تدري وين يتجه عشان توخر عنه؟ ولازم من صغرك تدرب كيف تروغ عنه، وحسﺐ نوع الحذاء يكون نوع الروغه عنه، اقشر الانواع اللي لازم توخر راسك عنه هو ابو كعﺐ او (الكندره)؛ لأن فوق الدمار اللي يسببه، كل بزارين الحاره يعرفون انك ملحوط بجزمة مبين من تعابير وجهك! تنظم ا لجمعية ا لخير ية لمكا فحة ا لتد خين با لمنطقة ا لشر قية بالتعاون مع جمعية فتاة الخليج الخيرية بالخبر برنامج مكافحة التدخين للنساء ابتداء من السبت الموافق 1429/12/22 وقال الشيخ صالح العباد مدير ا لجمعية إ ن ا لبر نا مج سيستمر لمدة خمسة ﺃيام على فترتين صباحية ومسائية على ﺃن تهتم الفترة الصباحية بشرح ﺃضرار التدخين ومشاكله، وتكون الفترة المسائية عيادة نسائية لمساعدة المدخنات للإقلاع عن التدخين باستخدام جهاز الملامس الفضي من خلال جلسة مدتها نصف ساعة.
