والدة البرادعي: ابني الأحق بالرئاسة في مصر

قالت والدة الدكتور محمد البرادعي، إن نجلها يعد الأصلح لرئاسة مصر في الفترة الحالية، وأضافت: "أنا كتير قلتله بلاش تدخل في السياسة، لأنها وجع دماغ، لكنه مسمعش الكلام، ومبارك مكنش عايزه، وكان سايب الناس بتوعه يهاجموه فى كل مكان، وقالهم اتصرفوا مع البرادعي".
ونقلت صحيفة "الأهرام" القاهرية عن مداخلةٍ هاتفيةٍ لوالدة الدكتور البرادعى مع برنامج "مصر تنتخب" مساء يوم الخميس، حيث كان البرادعى ضيفاً داخل الاستدويو: "أنا كنت خايفة عليه جداً، ولما حصل على جائزة نوبل، مفيش ولا صحفي أو مذيع مصري اهتم بيه، وابني عايز يصلح البلد..هو مش عايز رئاسة ولا غيره، إنما عايز البلد دي تبقى في مقدمة الدول".
وفور انتهاء مداخلة والدته، بكى الدكتور محمد البرادعى، وقال: "الست دي أمى..دي اللي علمتني كل حاجة حلوة".
وقال البرادعي إنه لو فاز برئاسة مصر، سيقوم بعمل مؤتمر صحفي في إحدى المناطق العشوائية مثل إسطبل عنتر، حتى يقول للجميع "أنا استلمت البلد بالطريقة دي..ومش هقول أنا هاعمل البحر طحينة".
وحين سأله مذيع البرنامج مجدي الجلاد عن الرسالة التي يوجيهها إلى المشير حسين طنطاوي رئيس المجلس الأعلى للقوات المسلحة، قال:" يا ريت المجلس العسكري يسمع للمدنيين، علشان في الآخر نضرب تعظيم للسلام للمشير والجيش والمجلس الأعلى للقوات المسلحة".
وحول الرسالة الذي يود توجيهها للواء محمد يوسف وزير الداخلية، قال: "أنا معرفهوش.. لكن الداخلية عايزة تنكسر، وتنهدم، علشان لازم تتبنى من جديد".