خالد الجندي يخالف الشرع ويحلل الخمر 12

حسبي الله ونعم الوكيل، ورجائي أن تسامحوني إن أطلت الحديث عن الخمر وحرمانية تعاطيها بعدما قرأت ما تحدث به الأزهري خالد الجندي في برنامج عمرو أديب (القاهرة اليوم) عن الخمر وأنه حلال إسلاميا!!
وسأختصر ما تحدث به خالد الجندي الذي بدأ كلامه بالآية القرآنية التي تقول بسم الله الرحمن الرحيم: (يا أيها الذين آمنوا لا تقربوا الصلاة وأنتم سكارى). الآية دي انتوا فهمتم منها إيه؟ الآية دي أباحت ضمنيا لمن يشرب الخمر يعني يشربها إنما في وقت الصلاة متكونش سكران.
يبقى لما أقول متقربوش الصلاة وأنتم سكارى يعني أنك تكون في غير وقت الصلاة سكران ودي إباحة ضمنية. ومن ضمن المن قال: (ومن ثمرات النخيل والأعناب تتخذون منه سكرا ورزقا حسنا) جت آية ثانية وقالت: (يا أيها الذين آمنوا لا تقربوا الصلاة وأنتم سكارى حتى تعلموا ما تقولون).
يبقى ساعة الصلاة لا تدخلوها وأنتم سكارى علشان اللفظ يبقى عارف بتقول إيه!!. جت الآية الثالثة ربنا سبحانه وتعالى يقول في كتابه (يسألونك عن الخمر والميسر قل فيهما إثم كبير وإثمهما أكبر من نفعهما). الآية دي برضه حنعود إليها مرة ثانية ارجع معايا للآية رقم (1) ربنا بيقول: (ومن ثمرات النخيل والأعناب تتخذون منه) النخيل : البلح، التمر.. الأعناب : العنب المعروف.
ربنا قال: (تتخذون منه سكرا ورزقا حسنا) .. سكرا يعني النبيذ اللي بتعصروه لحد ما يتخمر وتشربوه. اللي هو إذن مشروب مسكر اللي بنقول عليه خمر.. لحد كده كويس!. فقال سكرا وحاجة ثانية، الحاجة الثانية إيه.. رزقا حسنا. فدي كانت إشارة ضمنية من القرآن .. يعني أكل طيب!.
الحكم الثاني: (لا تقربوا الصلاة وأنتم سكارى حتى تعلموا ما تقولون).
الآية الثالثة: (يسألونك عن الخمر والميسر قل فيهما إثم كبير ومنافع للناس) دقق في كلمتين.. الكلمتين مش عكس بعض.. عكس إثم حسنا.. وعكس المنفعة مضرة.. (قل فيهما إثم كبير ومنافع للناس) فربنا وصف الخمر فيه الذنب والمنفعة.. فاللي بيبيع الخمر بيكسب.
ثم يتفلسف الجندي ويحاول تخطئة صياغة ما جاء من رب العباد فيقول: مفروض في صياغنا اللغوي كان يقول إيه (قل فيهما إثم كبير وحسنات للناس) مقالش كده، أو اعكس معايا (قل فيهما مضرة ومنفعة) مقالش كده .. جاب كلمتين مش ضد بعض.. فربنا هنا وصف الخمر بأن الخمر فيها منفعة.. فاللي بيبيع الخمر بيكسب واللي بيقدمها للناس بيكسب، أوعى تفتكر إن ربنا بيحرم الحاجة علشان كلها مضرة، ممكن حاجة تكون بتنفع لكن ربنا بيحرمها.. يعني الخمر فيها منفعة.. آه!!.
ناخد مثال أوضح لو اثنين بيلعبوا قمار واحد بيكسب وواحد بيخسر فلو الحرام حرام علشان ضرر والله اللي بيكسب ده يبقى حلال بالنسبة له. ولا إيه؟..
حسبي الله عليك يا خالد الجندي.. وإلى الغد لتوضيح حرمانية تعاطي الخمر شرعا.
السطر الأخير :
«يا أيها المتمشيخون لم تقولون ما لا تعلمون».
aokhayat@yahoo.com
للتواصل أرسل sms إلى 88548 الاتصالات ,636250 موبايلي,
737701 زين تبدأ بالرمز 158 مسافة ثم الرسالة