الحد الجنوبي عبد الله بن فرح أحمد المالكي لبيه ياحدن دعاني ولبيت=لبيه ياباب الجزيره الجنوبي روحي فدا أرض(ن)عليها تربيت=روحي فداها بسلمها والحروبي في كل شبر(ن)من ثراها لنا بيت=ونعيش منها أكلنا والشروبي أنا السعودي لاي فتنه تصديت=ورديتها بحلوق اهلها تذوبي أنا السعودي ملتزم ماتعديت=أحمي ثغور المملكه والدروبي أنا الذي في كل جبهه تحديت=شمسي شروق وشمس غيري غروبي أرضي تضم الغار والركن والبيت=ورجال تحمل حبها في القلوبي في حبها رفعت صوتي وغنيت=وابقيت قلبي في هواها طروبي ياللعجب يامن علينا تبليت=ماتدري ان الرد يلهب لهوبي اي والذي أسجد لفضله وصليت=مانرتضي لك ياوطنا كروبي خسيت يالحوثي علينا تجنيت=واجبرتنا نوردك ورد العطوبي الكذب والتلفيق مايرفع الصيت=ولايغير في ولاء الشعوبي أموت رافع جبهتي ماتخليت=عن موقفي ضد المظل الكذوبي أحمل محبة موطني حي او ميت=واصد عنه الشر من كل صوبي واحفظ ولاء لقيادتي رحت اوجيت=لايمكن ان قل الوفا من ذنوبي ياموطني ياقلب ينبض لك اصغيت=ولا يضيع القلب بين الجنوبي
