ياقصيد أرسل صواريخ الدفاع ومدفعيّه

بسم الله الرحمن الرحيم
السلام عليكم ورحمة الله وبركاته
الحمد لله الي لايحمد على مكروه سواه والصلاة والسلام على الهادي البشير محمد صلى الله عليه وسلم وبعد:-
إعلن من منبر صحيفة جازان نيوز رغبتي للإنضمام للدفاع عن ديني وعقيدتي ثم الدفاع عن بلدي الحبيب واسأل الله ان ييسر لي ذلك واهدي هذه القصيدة لحكومتنا الرشيدة ولكل الشعب فبسم الله ابدا:-
ياقصيد أرسل صواريخ الدفاع ومدفعيّه
جهز جيوش القتال وهاجم الظالم بداره
من نوى داري بلادي بالمضره والأذيّه
من بلدنا جاه غيم(ن) يمطر النار بغزاره
البلد له شعب مايرضى بذل(ن) أو رديّه
والله إن يموت دونه مايعرفون الخساره
الصدور دروع والأيدي على الباغي شظيّه
كلنا حصن البلد سور (ن) ولايهدم سواره
الشجاعه في دمانا سيل يجري بالحميّه
مانهاب المعتدي لو ثار بركانه وناره
والرضيع يفز لو يسمع جيوش(ن) معتديّه
وده يدافع عن دياره وأهله في جساره
ليه يالحوثي علينا ناوي(ن) بالشر نيّه
مادحرت إبليس وأعطيت الجوار حقوق جاره
ماتعرف إنا بوقت الحرب ريح(ن) سرمديّه
نقتلع جذر المعادي ندفنه في ذل عاره
من دخل بيت الأسد صابه هلع وأصبح ضحيّه
والثعل يبقى ثعل مكّار مايومن جواره
والله إنك خاسر(ن) في كل حال(ن) أو قضيّه
البلد دونه رجال(ن) تنتظر بس الإشاره
ياملكنا ياوليّه ياوزير الداخليّه
كلنا نفدي الوطن والموت مانخشى مساره
اطلبوا منا نلبي ونتبادر بالتحيّه
السعوديه عزيزه واسمها يبقى مناره
فالبلد له شعب مايرضى بذل(ن) أو رديّه
والله إن يموت دونه مايعرفون الخساره
كلمات مشبب بن عبدالله بن جابر القحطاني