جاكم الطوفان

الإهداء
إلى جميع الجنود المرابطين على أرض المعركة وإلى جميع قبائل الجنوب التي تقع على الشريط الحدودي
التي بدأت بترتيب وتنظيم داخلي بعمل ألوية قبلية لصد اي حثالة تدخل لأرض الوطن ، وهذا يجسد أرقى صور التلاحم بين القيادة المحنكة والشعب العظيم الوفي .
ياجنون المذهب اللي زمرته ملعونه
جاكم الطوفان يغلي عزته وقاده
جاكم ابداع الحقايق في يده طاحونه
تطحن اللي ماعرف قدره وشبّ بلاده
صمتنا لاطال يعني حكمته مزبونه
وفعلنا من قبل تخلق ما اختلف ميعاده
ارضنا محدن وطاها جوهره مصيونه
في حمى رب العباد وعزته وسناده
أرضنا الرجّال فيها زاد عمن دونه
أسأل التاريخ يالغافل تجيك اشهاده
السعودي لا طلبته جاك قبل عيونه
والسعودي لازحمته نظرته لحّاده
ريحة البارود والدخان عطر جنونه
في جبل دخان باح السد ياسداده
والجنوب بكل أرضه قلعته وحصونه
تبتني بالعزم مبدا والرجال قياده
وكل شبر من البلاد رجالهم مرهونه
عشق للدين الحنيف وأرضهم بسياده
ياقليل الدين وش باقي عليك تخونه
خنت عهد الله وميثاقه وكل عباده
علم اللي قدموك العز فينا عونه
قلهم في راية التوحيد عزم وراده
علم اللي ورطوك بطيشنا وفنونه
لا نجاه ولا نجاد ولايشدّ شداده
قلهم طفل الجزيرة لا ابتدا غليونه
عادل ألف من الرجال وصار فوق العاده
قلهم هذا السعودي م انشرب ماعونه
غصت اللقمة بحلقك وش بعد ياساده
أشربوا مرّ الحقيقة والرصاص طعونه
تصطفيكم يالغواة أفراد ولا قاده
السعودي في كرمه يصفّ كل مزونه
والسعودي دون أرضه يفتدي باولاده ..!!