التطرّف

العقول انواع مابين شكل وبين لون
استجابتها للافكار حسْب المصلحه
والقلوب اللي بها نور خيرٍ من عيون
لو عمَت ابرك ولا قلبْ تايه ممرحه
والفكر ل انحلّ من فطرته صابه جنون
وكل فكرٍ له غذاءْ وغذاؤه يمنحه
التوازن مطلبٍ ودّنا به لو يكون
دونما نفرض على الناس دربٍ تجنحه
والجهل آفه ولالي ب من لا يفقهون
يعني انّ العلم نور ل عقولْ مفتّحه
والتطرّف والتعصّب نتاج وتدركون
ماورى الترهيب والجبر غير المشرحه
سهل نقنع من غوا بسّ صعبٍ يقنعون
عندنا البرهان لا من بغوا نستوضحه
شاهدٍ ديني وعقلي وغيره وش يبون
بالأدله وان تمادوا من القول ارجحه
خالق الانفس له الملك ماذا يملكون
مالك الارواح وان غادرت تستسمحه
الامانه حملها حمل والجاهل يخون
من يحارب ربه انّ جهنم مطرحه
وكل مفسد فوق ارضه ل فيها خالدون
قبل ما يُنفى من الارض لن نستنصحه
في زمان الهرج والهرج ماهو تسمعون
يقتل الرجال جاره واخوه ويذبحه
حرّم الله زهق الانفس ل أنْها ما تهون
دونما حقٍّ ظهر ديننا قد وضّحه
ايه يا مدوس وربّي بكت كل العيون
والله ان الحزن ب القلب تكفى تجرحه
رغم ذلك ف القدر كلنا به مومنون
كم نفوس تحزنه كم نفوس تفرحه
والمذاهب بعضها لو تجاوز بالظنون
عند ربي حكم بين الخلايق يصدحه
يالله انك تلعن الغادر ومن له يعون
ومن تسبّب في غواه وعلينا سرّحه