بارق العز

هنا في شرق دولتنا العزيزه يا سنا البراق
هلا بك بارق العز وهلا بك بارق الهيبه
هلا بك والغلا منبعه يا كل الغلا الاعماق
هلا بك والهنا عدٍ لنا صافي مشاريبه
هلا بك فالبحر الاحمر مغيب وفالخليج إشراق
هلا بك مشمل الاردن والى خرخير تجنيبه
هلا بك فجة النور وهلا بك غيبة الاشفاق
هلا بك صبح نسرحبه هلا بك ليل نسريبه
هلا بك يوم تجديد الولاء ومبادل الاشواق
هلا بك فرحة الشعب وتهانيه لمعازيبه
هلا والمملكه في ظل سلمان ارعبت الآفاق
غضبها زلزل الثابت وغّير وضع ترتيبه
على طاري الملك سلمان اقول وربي الرزاق
رزق به دين الاسلام ووقف من دون تغريبه
عطاه الله ومكن له وشمر ساعده والساق
وعصب راسه سليل معزي وبانت مضاريبه
شبوب النار زاده نار واحرق من شعلها إحراق
لهد كبد العدو الخاين بصالي مشاهيبه
إذا قالو من السباق للفزعه هو السباق
وإذا قالو من الطيب يقول الطيب انا طيبه
ملكنا الحاكم العادل ملكنا الصادق الصداق
ملكنا الحازم الصامل ملكنا اللي نماريبه
ولي عهده ولد نايف ليا من أشخصة الاحداق
يجفف دمع عين وعين يدميها بتأديبه
ولي عهدٍ امين ولايقٍ في منصبً له لاق
وأسود الأمن تحت أمره مخالبها مخاليبه
ولي ولاية العهد السعودي ع الهدف تفاق
مرامي جده وشارات عمانه مطاليبه
ولد سلمان ابو مشهور عون اللي غشاه ارهاق
وزيرً للدفاع وجيشنا ما راد يحريبه
وحن الشعب السعودي ع العهد ما نخلف الميثاق
على التوحيد رايتنا نودي العلم ونجيبه
عطانا الله ملك وعضود عز وبيرقٍ خفاق
جعلنا الله حماة مقدساته مكه وطيبه