يا ناس ويش رايكم في اللي عصا ربّه الخير جنّب وعكس الخير يمشيبه ضيع طريقه وقام ابليس يلعب به والرجل غالي ولدري ويش اسويبه ولولاي اعزه وافكر فيه واحبّه قفّيت منه وجعل الذيب يسريبه والوادي اللي مشابه شرط ماطبّه لو كان شوفه يسر البال ماليبه واندم على صحبته واعزم على سبّه واشوه اسمه واخلي الناس تدريبه واقطع بسيفي يمين كان يشربّه لين يتبين لنا صدقه وتكذيبه لاشك عيت سلوم الجد لاكبّه آخذ خويي واكمل في مواجيبه وليا غرق نظهر الغارق من الغبّه نكسبّه الاجر والنوماس والطيبه وليا تردى ضعيف النفس ماسبّه اصبر على غلطته واحميه واجيبه والغيض وسط الحشا نيران مشتبّه من شدت الغيض تحرقني لواهيبه غيض كتمته يعجز الطب في طبّه واللي قوى النفس عند الغيض يا طيبه لاشك حلت بنا ثم جالها سبّه وابليس ولع فتيله في مشاهيبه حط الصغيرة بعين المهتوي قبّه وجيشه ظبط خطته من كثر تدريبه والطيّب اللي يخاف ويتقي ربّه ماله ومال الردى والشك والريبه الحر يشهر ليا ضاقت به الغبّه يشهر وتشهر سبوقه في مخاليبه والذيب يجري مع الجيان والخبّه مايمرح الليل لاشانت مشاريبه يقفي ويترك مكان كان يطربّه يسري ويجري ويسرع في مهاذيبه الشاعر - رويفع بن دبسي العتيبي
