مشيت في دربك

ان كان مالي عندك اليوم تقدير
ذكرى المحبه طيب الله ثراها
موت المحبة ما ترك فيك تأثير
وانا بنفسي يجبر الله عزاها
مشيت في دربك جميع المشاوير
والنفس طابت مالقت مبتغاها
سقت المشاعر لك وقفيت بالسير
مشاعري ماعاد تسمع نداها
اهديتك احساسٍ منعته عن الغير
صدق المحبة وانت عارف مداها
ماجاك مني ياهوى البال تقصير
حتى عروقي صرت تجري معاها
وجزاي عندك صدةٍ دون تبرير
اللي تحبك صدتك هي جزاها
ليه انت بعيوني زعيم المناعير
وانا بعينك بنت ضايع رجاها
باكر ليا دارت علينا المقادير
تندم على اللي مستهين بغلاها