من حبنا له عندنا مقدريه ومن عافنا قلنا عساها تسافير محنا من اللي اسلوبهم هنجميه اعقولنا ماتشترى بالدنانير نحسب لهرجة راميٍ بالرديه منزالنا فوق الردى والمحاذير مانحب طعنات الظهور القفيه مخافة الله تتقينا المقادير كلٍ شهد لفعولنا الحاتميه من صغر طفل حتى كبار المناعير الجار لو هو جار واكثر عليه من حشمته نلمس كثير المعاذير عشرة عمر والزاد لقمه هنيه ترخص له ارواح العيون المساهير قدوة وصايا جاتنا محمديه في رسالته زالت ظنون التقارير وش عاد لو هو من ديارٍ نحيه يزداد له قدر المحبه تباشير تستقبله سمح الوجوه النقيه بصفر الدلال مزينات التباهير في واجبه تسعى النفوس السخيه حتى رحيله والدعاوي مناوير ياللي تبلاني وانا مستحيه اخوض في اسلوبٍ هزيل التجارير كف الاسى عني وكثر الاذيه وخل المقفى في اتجاه المسافير ماهو ضعف والا قلائل حميه عزوة قرومي ماتهاب المخاسير مايردهم حد السيوف الجليه هاك الزنود مكرعات الحناجير ان اقبلوا باقبالهم مشرفيه لخطواتهم صوتٍ كصوت الاعاصير أهذيل راعين العزوم القويه يشهد لها التاريخ من دون تبرير بين العنوز وبينهم مقربيه فكاكة الانشاب وقت التعاسير مثل الصقوراللي بسماها عليه كلٍ لهم ياقف معزة وتقدير حاميهم الرحمن رب البريه ربٍ عطاهم من رضاه التياسير
