في جاره سعد بن دبيان الحمالي ابو محمد رحمه الله الذي وافته المنية ليلة الاربعاء الموافق 1434/2/6 بمنزله الكائن في مركز جو بالمزاحمية وهو غني عن التعريف عرف رحمه الله محباً للخير وبه تمكن من قلوب محبيه فله من الجميع صادق الدعاء بأن يغغر الله ذنبه ويسكنه فسيح جناته ويجبر مصاب الجميع فيه ويلهمهم الصبر والسلوان إنا لله وإنا إليه راجعون. ابدا بذكرك ياعظيم الجلالي=منجي ولد يعقوب من ظلمة البير والحمد لك يالله على كل حال=ويارب دبرنا على خير تدبير سبحان من قدر علينا الزوال=وبامره وتدبيره تصير المقادير أول خميس في صفر ويش جالي=مع الفجر اﻻول يالله عسى خير جاني خبر مر وﻻ هو بحالي=قالوا عزيز الجار ودع وﻻ غير مرحوم ياجار عزيز وغالي=مرحوم ياوجه السعد والتباشير مرحوم يالمحبوب سعد الحمالي=مرحوم ياجبر القلوب المكاسير مرحوم يا مرخص كثير الحلالي=مرحوم ياللي ما تحسب المخاسير مرحوم ياطلق الحجاج المثالي=مرحوم ياسعد الخوي والمسايير مرحوم يامن حاز كل المعالي=بعلمه وفكره مع جميل التعابير سمح المحيا دايم البال سالي=ماقطب حجاجه ولو فيه تبرير صديق كل الناس ذرب الفعالي=يفرح ليا جوه الوجيه المسافير وله في البراري والوناسة مجالي=وعلى السلوم الطيبة حث بالسير ياكم خذينا من هروج جزالي=وياكم جلسنا في خشوع وتذكير له منزل في القلب غالي وعالي=محبة في الله مع زود تقدير لماذكرته صار عندي جفالي=والقلب كنه بين اﻻضﻻع بيطير كنه من الاعمام واﻻ الخوالي=وجده من حمالة وجدي من زهير فيالله يامنشي السحاب الثقالي=أجبر عزانا في الرجال المناعير وعسى العوض في مقبلات الليالي=و في عيال بالمراجل مشاهير ما مات من خلف زحول الرجالي=يعيش بين الناس مذكور بالخير وصﻻة ربي عد ماانشا الخيالي=وعداد ما عد الذهب والدنانير على رسول الحق وافي الخصالي=فصلوا عليه اعداد ما غرد الطير الشاعر/ سعيد بن سعد الزهيري ابو حسان- الرياض 1434/2/10
