للوطن أقول.. ما تشوفين شرا يا ديرتي

@ وش اسمك يا بطل؟
* عبدالله
@ تدرس يا عبود؟
* ادرس بثاني ابتدائي
@ يعني عمرك سبع سنوات؟
* يقولون عمري سبعة
@ كيفك بالمدرسة؟
* انا اسمع استاذي يقول عني اشطر واحد بالمدرسة
@ يعني انت تحب المدرسة؟
* طبعا احبها حتى اسألي بابا ما احب اغيب ولا يوم
@ اجل عندك اصدقاء وزملاء بالمدرسة من اكثر واحد تحبه؟
* عندي متعب ونايف وبدر واحب (متعب) اكثر
@ وش معنى (متعب) تحبه اكثر واحد؟
* عشان (نايف) مشاغب ودايم يكتب اسامينا على السبورة واحنا ما سوينا شي!!
@ يعني انت ما تعرف تشاغب؟
* لا والله انا اكثر واحد شاطر ومؤدب
@ اجل صاحبكم (نايف) يمزح معاكم؟
* هو يمزح معانا كلنا
@ لما تكبر يا عبدالله وش ودك تصير؟
* شرطي عشان احط الحرامي بالسجن
@ وش احسن عندك العطلة والا المدرسة؟
* المدرسة حلوة والعطلة احلى
@ احسن مكان تحب تروح له دايما؟
* قرية الالعاب واحب العب بسيارات التصادم
@ ما تخاف تصدم؟
* لا انا شاطر بالسواقة علمونا بالمدرسة اشارات المرور
@ طيب يا (عبدالله) وش رايك باليوم الوطني؟
* احلى شيء عشان نتذكر ونعرف شلون صارت ديرتنا
@ وش احلى شيء بالديرة؟
* كل شي خاصة الكعبة
@ ليش؟
* عشانها بيت الله وكل الناس يحبون الله
@ طيب وش تقول للوطن؟
* احبك واجد ويارب ما تشوف "شر"
@ طيب اللي يحب وطنه وش يعطيه؟
* كل شي فلوس ويصير شرطيا عشان يحرسه من الحرامية
@ وآخر كلمة تحب تقولها لنا؟
* احكبم واجد ومشكورين واحب بعد ديرتي وبابا (فهد).