أروح المدرسة لما يكبر أخوي وإذا كبر شسوي

دردشة أطفال

@ ما اسمك؟
سما
@ سما ايش ؟
سما القحطاني؟
@ تعرفين معنى اسمك ؟
اسألي أبوي هو الذي سماني
@ طيب فكري شوي؟
(سما) يعني السماء.
@ تروحين المدرسة؟
ما عندي شنطة.
@ ومتى تروحين المدرسة وتصير عندك شنطة؟
إذا كبر اخوي (سهل) بروح المدرسة وإذا كبر شسوي ما اروح المدرسة لأنه إذا ما كبر كيف اكبرأنا.....!!
@ تحبين اخوانك؟
اكيد أحبهم والا شلون يصيرون اخواني
@ ليش؟
يكفي أنا حرة وش يدخلك؟.
@ وش تبين تصيرين عندما تكبرين .. يعني وش تشتغلين؟
كمبيوتر مثل ابوي وابوك وش يسوي بالكمبيوتر؟
يطبع ورق
ويوزعه على الناس
@ أي ناس يوزعه عليهم؟
المساكين...!!
@ وش أحسن البر ولا البحر ...؟
طبعا عشان احفر فيه حفرة والبحر ما نقدر نحفر فيه
@ بس البحر نسبح فيه ونلعب عنده..
وخير يا طير أنا ما احب اسبح قدام الناس
اسبح في بيتنا.
@ طيب البر من يعيش فيه؟
الضب...!!
@ هذا كيف شكله..؟
يشبه السلحفاة من غير طابوقتها اللي على ظهرها
@ طيب وش أحسن الحيوانات ؟
الدب لأنه كبير وسريع وقوي
@ أنت تساعدين أمك في البيت؟
ايه .. دايم اساعدها بس عشان ما تضربني انا واخواني.
@ لما تسافرين تحبين تروحين بطيارة ولا بسيارة؟
الطيارة احسن . بس أول خلنا نركب السيارة والطيارة تطير عند العصافير.
@ انت تحبين تسوقين سيارة ولا طيارة؟
احب السيكل...!!
@ بتلبسين عباية اذا كبرتي؟
بلبس عباية علشان ما يشوفني الرجاجيل.
@ ليش الواحد لازم ينظف اسنانه..؟
عشان ما يظهر الدود فيها.
@ طيب تحبين الفلوس؟
الناس كلها تحب الفلوس وانا بعد عشان اشري فيها (شبس) بطاطس.
@ وليش الناس يحبون الفلوس؟
عشان يشترون من البقالة.
@ ايش رأيك بالأولاد اللي يلعبون في شارع السيارات؟
اقولهم البسوا (نعال) ولا تمشون حافين عشان ما يدخل القزاز رجليهم.
@ والبنات اللي يطلعن في الشارع؟
عيب .. وبعدين يجيهم حرامي.
@ تعرفين وين يعيشون الحرامية؟
شفتهم يضربون اطفال فلسطين كلهم حرامية.
@ وش تقولين بعد؟
خلاص فجرتي رأسي ما تشبعين كلام..!!
@ بس تونا بدينا؟
والحين خلصنا.