دردشة اطفال

@ ما اسمك؟
فرح.
@ تدرسين يافرح؟
أيوه. ادرس بالصف الأول.
@ كم سنة لك وانت تدرسين؟
يوووه.. من زمان.
@ طيب تعرفين وش يعني اسمك؟
يعني الفرحة والانبساط.
@ شاطرة يافرح في دراستك؟
أكيد شاطرة.
@ أيش احلى مادة عندك؟
القرآن والرسم.
@ على كذا بتصيرين رسامة؟
أيوه.. لأني اعرف ارسم كل شيء.
@ ما حالتك الاجتماعية؟
مسلمة!! ليه تفكروني كافرة؟
@ طيب وش معنى كافرة؟
يعني ما يحبون القرآن.
@ ما حالتك الصحية؟
ابره ودم.
@ تتوقعين كم سنة مرت على الدنيا؟
ايش يعني؟
@ يعي كم عدد السنين اللي مرت من خلق الله الدنيا الى وقتنا هذا..؟
والله من زمان الله خالقنا وعددهم يمكن سبع شهور.
@ وش أكثر أكلة تحبين؟
الذرة والدجاج المشوي والمكرونة.
@ ليه تحبين الدجاج المشوي؟
لانه حامض.
@ طيب تعرفين تطبخين؟
يعني شوي اسوي جبنة وزيتون.. بس امي تعرف تطبخ.
@ وش رأيك في وضع العالم بأكمله؟
والله مبسوطين وفرحانين.
@ طيب ليه؟
ما ادري.. يمكن علشان يروحون السوق ويخلصون فلوسهم.
@ اذا كبرت وش ودك تصيرين؟
ابله.. علشان ادرس البنات والأولاد يدرسهم الاستاذ.
@ من أحسن البنات والا الأولاد؟
البنات طبعا.
@ ليش البنات أحسن؟
لأن الأولاد يضربون البنات ويصيحونهم بسرعة وبعدين البنات أحلى من الأولاد.
@ ما أحلى بلد في الدنيا؟
السعودية لأن بيت الله فيها.
@ طيب ايش تقولين لاطفال العالم؟
ابغي أقولهم قرآن.. بس هم مش راضين.
@ ليش مش راضين؟
يخافون يسويلهم شيء بس القرآن يهديهم لكنهم مش منتبهين.
@ كلمة أخيرة يافروحة؟
لا اسمي فرح.
@ طيب يا (أبله) فرح بآخر الكلام وش ودك تقولين؟
انا احب كل الناس.