دردشة أطفال

@ وش اسمك؟
* هبة عيسى موسى.
@ تدرسين يا هبة؟
* ايوه ادرس بالصف الرابع.
@ الا كيف المدرسة هالايام؟
* تتعب ياليتها ما جت.
@ ليش الاجازة توها خالصة.. وكانت طويلة؟
* المدرسة أطول لو يخلونها العكس.
@ كيف؟
* تصير المدرسة طول فترة الاجازة والاجازة طول فترة الدراسة.
@ معقولة يا هبة هذا وانت اشطر وحدة بالمدرسة؟
* صح ان مرررة شاطرة بس كنت امزح معاك.
@ طيب لما دخلت المدرسة اول مرة ايش كان شعورك؟
* وناسة وزعل.
@ وليش الزعل؟
* لاني اصح الصباح يعني ما انام على كيفي.
@ بس انا سمعت انك بنت نشيطة وتصحين بدري؟
* ايه بس مو غصب اصحى.
@ المهم المدرسة حلوة والا له.؟
@ حلوة مرة بس ان كنت قبل صغيرة.
@ والحين كبرت كيف هي المدرسة عندك؟
* احلى شيء عشان تعلمنا كل شيء.
@ طيب وش اكثر بالدنيا تحبين؟
* احب البحر حيل.
@ تعرفين تسبحين؟
* بالبيت بس البحر اوقف قدامه اطالع حلاوته.
@ وبعد وش تحبين؟
* اكل الشورما الدجاج.
@ تعرفين تسوينها؟
* جيبي لي سيخ طويل به لحم دجاج واحطه على النار؟
@ اي نار الفرن والا الحطب؟
* اي نار بيصلح.
@ لما تكبرين وش ودك تصيرين؟
* انا الحين ودي ان ابوي يفتح محل شورما.
@ وبعدين لما يفتح المحل؟
* اكل منه.
@ طيب وش هوايتك؟
* الرسم.
@ طيبوش تعطين ابوك اذا فتح لك المحل..؟
* ارسم له لوحة عليها شورما.
@ صراحة كلامك حلو؟
* ادري زي الشورما الدجاج.
@ آخر كلمة وش ودك تقولي؟
* شكرا على الحوار وسمي معنا ابوي جاب لي شورما.
@ لا.. شكرا بالعافية.