دردشة اطفال

@ ما اسمك؟
* احمد صقران
@ طيب ليش تقوله وانت معصب؟
* كذا زي ابوي
@ طيب ابوك يعصب عشان هو مشغول وانت مرتاح؟!
* ماني مرتاح عشان ما وداني الملاهي عشان كذا انا معصب
@ لما يرتاح بوديك؟
* شلون بيوديني وهو دايم يقولوا خلوني ارتاح خلوني ارتاح.
@ بس انا لقيت حل!
* بكره لما اكبر بودي نفسي الملاهي
تدل مكانها؟
* ايه.. مره قريبة من بيتنا بعد شارع او شارعين
@ طيب بتروح مشي والا بسيارة؟
* لا بسيكل اخوي اسامة مرة سريع ويفحط بعد
@ السيكل على شلون يمشي؟.
* بدون بنزوين وبكفرين
@ تعرف الحرب؟
* اشوفها بالتليفزيون تصير في العراق
@ ومن اللي خل الحرب تصير؟
* الكفار واليهود
@ طيب تعرف من هو بوش؟
* ايوه، اللي ضرب عيال العراق
@ وشارون؟
* يعني شرير
@ طيب الحرب خلصت والا للحين؟
* كأنها خلصت بس فيه يهود بفلسطين والعراق صاروا فيها حرامية
@ احمد كم عمرك؟
* مدري بس اني اكبر من اسامة
@ طيب كم عمر اسامة؟
* هو الصغير بعدين انا الكبير
@ يعني انت رجل؟
* طبعا رجل بس صغير حتى شوفي البس ثوب وغتره واروح اصلي الجمعة مع جدي وبابا
@ احمد انت عندك اخوان وخوات؟
* ايوه عندي 3 خوات و 3 اخوان..لا.. لاعندي بس اخوين وانا كبير وهم صغيرين
@ لما تكبر وش تبي تصير؟
* طيار عشان اطير واشوف الملاهي من فوق واشوف كل الاولاد وبعد اصير شرطي وعندي نجمات في البدلة
@ بس ما يصيريكون عندك وظيفتين لازم تختار وحدة؟
الا يصير بالصبح طيار وبالليل شرطي.
@ انت الحين خلصت مدرسة؟
لا .. انا في البيت بس بكره بروح المدرسة
@ وش يسوون الاولاد بالمدرسة؟
يلعبون كورة وانا دايم اغلبهم كلهم زي الكابتن ماجد ادخل لوحدي اهداف وصالح ما يعرف يلعب كورة واسامة عنده سيكل ابيض
@ يعني انت قوي؟
* ايوه انا اقوى الاولاد.. امي تقول ان الحليب يخليني شجاع حتى شوفي عضلاتي
@ طيب يا احمد وش اخر كلمة تحب تقولها؟
* انت ليه تسأليني كل هالاسئلة
@ عشان انت ضيف بجريدة (اليوم)
* ما اعرفها بس.. يالالله ما عليش.. شكرا خلوني عاد اروح وياطلعت صورتي علموني..