شكوى .. !

==1==
كل ما هبت على قلبي هبوب==0==
==0==من شمال وشرق ولاّ من جنوب
حرّكت ما كان ساكن بالحشا==0==
==0==وشبت النيران في قلبي شبوب
ما اشتكى من حب ملهوف الضميرر==0==
==0==ولا اشتكيت مفارق الغرو اللعوب
اشتكي من وقتنا اللي صار فيه==0==
==0==تضحك قلوبٍ وتبكي به قلوب
ومن ضحك به مايهمه من بكى==0==
==0==من يسكّت راعي الصوت النحوب
ومن شبع به ما يهمه من يجوع==0==
==0==من يؤكّل من حزم في البطن طوب
والمنافق كل ما قاله صحيح==0==
==0==ومن يقول الحق قالو له كذوب
والحرامي ياصل اللي هو يبيه==0==
==0==والأمين يصير ما هو بمحَبوب
وصار راعي المال عند الناس شيخ==0==
==0==وصار شيخ القوم ماهوب محَسوب
والعرب تفرقوا والمسلمين==0==
==0==من يحقق غاية أفراد الشعوب
والسنين تدور والدنيا تدور==0==
==0==وكل يومٍ فيه غاصب ومغَصوب
والحقيقة أصبحت مثل الخيالر==0==
==0==والخيال أصبح على الواقع يذوب
وفي النهاية يا كريم ويا معين==0==
==0==يالله المطلوب غفار الذنوب
رجّع المخطي على درب الصواب==0==
==0==ومن مشى بالحق وسّع له دروب
قاله اللي لاغفا في الليل قام==0==
==0==من هجوسٍ قامت بقلبه تلوب
راس ماله سمعته بين الرجال==0==
==0==ومن على الدنيا لبس غتره وثوب
ولاجل ستر الحال يركض للحلال==0==
==0==من صلاة الصبح لا وقت الغروب
==2==