تخاريف أبو العريف ..!!

@ أبو العريف اشلونك أخبارك مع الدنيا ؟
جالسين نتسلى مع المتر السنفور
@ و منهو يطلع هالمتر السنفور
الله جابك تسألني عن هالسنفور هو له عدة اسامي, هو اللي يعرفونه الجمهور بكونن, ويعرفون جريته بأنها مثل جرية الفار, ويعرفونه ايضا بانها تومي جيري, ويعرفونه بعد بانه طرار وشحاذ وعقله صغير مثل جسمه, ويعرفونه بعد عمره ما تبخر, تبخر واحترق.
@ أف.. كل هالصفات فيه؟
أزيدك من الشعر بيت بعد, هو هالأيام يشحذ حق يتزوج ساوم على الملعب مع فريقه حتى يشارك خارجيا, وعطوه وكسوه ومع ذلك راح يهاجم اللي وقفوا معاه.
@ يعني هو ناكر جميل؟
ناكر جميل وبس, بل هو اضحوكة الجميع هالأيام, سامحوه لما تخلف عن المعسكر, وعطوه فلوس حق يكمل مطبخ زواجه (معالق صحون.. إلخ) ولما عطوه وكسوه يقول ان المسؤولين ما عطوه شيء, عينى عيني يكذب ويفتري.
@ وأنت ايش بتعمل يا بوالعريف؟
جالس له, مثل ما جلس سعد لشقيقه حسينوه في مسلسل (درب الزلق) لمن حسينوه قام يبيع لحم شلاب للناس.
@ علي طاري اللحم, يقول انه ما يأكل لحم؟
ما شاف خير لانه كل شهر يأكل لحم مرة واحدة (الله يلعن ابو الفقر) ولما مر شهر ويوم واحد ما أكل لحم سووا الهوايل.. الله يجزاك ياحسينوه لو ان لحم لشلاب في مسلسل (درب الزلق) موجود للحين, كان حليتنا مشكلة السنفور..!!
@ طيب يابوالعريف.. ايش الحل مع هالمتر؟
نعطيه سندويتش من بوفيه نظام
@ ومنهو هذا نظام بعد؟
هندي يبيع سندويتش بريال, وعنده سندويتش لحم بريالين أغلى شيء في هالبوفيه.
@ يعني رأيك لو عطيناه لحم من عند نظام يسكر حلجه؟
بس بشرط كل يوم, لانه مثل ما قلت ياكل كل شهر لحم مرة واحدة, واذا أكل كل يوم لحم يعني الوضع عنده وايد ممتاز.
@ يعني نقدر نقول ان المشكلة انتهت بلحم نظام؟
بس هالسنفور يمكن يطلع فيها ويقول ان لحم نظام مش مذبوح على الطريقة الإسلامية.
@ يعني ما بنخلص من هالمتر او المستر كونن؟
ما اعتقد!!
@ أف.. ليش؟
لسبب بسيط وهو ان كونن (المتر) ما يأخذ لبس له طوال السنة, ويعتمد فقط على الملبس اللي يعطونه أياه مسؤولي الفريق, وهالمرة عطوه ملابس ( مش ولا بد) على قد الميزانية الي عندهم, والمتر طبعا يبي ملابس من باريس او لندن او المريخ, وهو كان يلبس سروال كردي ويتمشى في سوق الخميس (الله عليك يازمن) لا والفانيله من النايلون صوف تحرق الجسم ويمشي بها في عز الصيف.
@ ابوالعريف,.. أرجوك, كفاية, حرام؟
مع هالاشكال كل شيء فيهم حلال.
@ ابو العريف خلنا نطلع من هالموضوع؟
اليش فيك مستعجل, لسه بدري, ما قلتلك عن قصة الشحاذ
@ ومنهو هذا بعد الشحاذ؟
تعددت الأسماء والمتر واحد, هو نفسه السنفور وهو نفسه كونن اللي جريته مثل الفار.. خذ قصته مع رئيسه طالبه بفلوس حق زواجه, قاله الرئيس بيض الوجه وابشر, لكن المتر إلا يستلم الفلوس قبل المباريات عطوه مصروفات مقدمة وعطاه واحد من المسؤولين مبلغ وقدره ولكنه اصر على استلام فلوس الرئيس قبل البطولة, مفكر ان المسؤولين فاتحين جمعية خيرية له ولأمثاله وأخذ يتلكأ ويقول نفسيته تعبانة, حلف الرئيس ما يشم ولا ريال واحد, فما كان من السنفور إلا مهاجمة الرئيس.
@ والحل مع هالمتر؟
نعطيه عناوين الجمعيات الخيرية بالمملكة حتى يروح ويطلب منهم.
@ وبكده... تتحل المشكلة؟
نعم.. لكن السروال الكردي مستحيل يتركه مع فانيلة النايلون, ويكشخ فيهم في عز الصيف على فكرة الفانيلة صوف (آخر حلاوة).