القصيدة الأخيرة

قصيدة حنين الشمال التي وجهتها لعابرة سبيل وردها واللذان نشرا بمجلة بروز قبل أكثر من شهر:
==1==
يا عابرة وانتي على قوس الاماني تمكثين==0==
==0==عشقك سبيل العابرات وحلم عابرة السبيل
في رحلتك ما مرك السلوان بين العابرين==0==
==0==ولا مرتك قسوة هل الفزعات والوقت البخيل
يا عابرة كان امس لي خطوة ولي حلمٍ حزين==0==
==0==واليوم خطوات الحزن تزاحمت نار وفتيل
طاولني المشوار الاول وآخر الجرح الدفين==0==
==0==واذعنت للكف الشحيح وكل مشوارٍ طويل
كل الوجيه استاسدت والغافل استاق الفطين==0==
==0==واللي عليه العلم صار العلم من دونه ذليل
وام الفرزدق سلمت سره لشيخ العابثين==0==
==0==واصبح يسوم بضاعته باسط ذراعه والشليل
واليوم مال الناس سيره غير وش سوى الحسِين==0==
==0==وفي ديرة العميان للعوران صولات ومقيل
وانتي بلا ادنى شك لك هيبة ولك عقلٍ رزين==0==
==0==والناس صارت ما تميز فالسمين من الهزيل
واليوم يابنت العرب ما حول عربانك قطين==0==
==0==الصيف قاسي والموارد موحشه والدرب ويل
هذا كلامي والذهينه تعشق الحرف الذهين==0==
==0==والمعذره ترى الكلام احيان سيف بدون خيل
==2==
@@ حنين الشمال
الرد من عابرة سبيل رحمها الله :
==1==
لله ابشكي حيرتي لله رب العالمين==0==
==0==وامد له كفي دعا يالله عفوك يا جليل
يا منتهى الشكوى إله العابدين الصابرين==0==
==0==يالله عونك.فزعتك همي على قلبي ثقيل
جتني رساله نصّها يا عابره "حزن وانين"==0==
==0==مع "تجربه" مضمونها فيه النتايج والحصيل
في شكلها الظاهر غطا وفالباطن المعنى الدفين==0==
==0==وفي حبرها تلميح لا يمكن يصير المستحيل
وانا حقيقه ما عرفت شلون ببدي يا حنين==0==
==0==مدري ابدّي كلمتي او الزم الصمت الفضيل
لا جيت ابتكلم لقيت الوضع قاسي مايلين==0==
==0==وان جيت ابسكت مالقيت علاج للقلب العليل
لكن عزايه ما معي سلطة ولا عندي ضمين==0==
==0==ولا اقدر اميّل ما عدل ولا أعدّل ما يميل
ما عندي الا كلمةٍ فيها العوارف خابرين==0==
==0==القاع لا صارت دهر يا بدو يازين الرحيل
وخلافها "سلامتج" والله على الدنيا يعين==0==
==0==والصبر عنوانه فرج والغيث لابده يسيل
==2==
@@ عابرة سبيل