واحد هو الحزن لو كثرت وجيه الليال ياوقت ... لاتقفل أبوابك علي .. و تشين حظي يدينه قصيرة .. والأماني طوال والريح عن عالي أفكاري ... متبت يدين ناديت صدفه .. تهاوت بيِ بيوت جزال سافرت.. لكن طريق العمر .. برد وحنين يالله أبفتح على سورالمقادير / فال محتاج آمرر خلاله كل مابي .. سجين هذا البلد : صبح كسلان و شقاوة عيال فيه البشر: يحسبون المال .. سحر مبين ماقسى من إنك لجل عينه تعاف السؤال إلا الغرق في كلام الناس بأسباب دين عطشان ياطفلة الما يا انتعاش الزلال غيمك خذلني ولا لي بعد ربك معين الهمّ: رحلة طويلة ترفض الاختزال والحب: لوحة نستها الشمس في بيت طين وأنتي مع كبريائك نايمه بالحلال وانا إتقطع ورودي ياتجين .. أو تجين ليت السما لا دعيت الله تمطر وصال ما كان جف الخفوق وصار شكلي حزين ذنبي زرعتك على جالي .. بلحظة زوال ذنبك: رحلتي مع النسيان .. خلف السنين فيني من الكادحين .. الصبر و الاعتدال إنسان قوتي .. على كثر احتياجي [يقين] أصحابي إن رحت عنهم صوتو لي تعال وإن جيت: شبوا فوانيس الجفا .. مبعدين يطردني الحكي وأتهرب من الانفعال لين أتعثر .. بواقع .. للمصالح .. رهين طفل تعودت أوزع ضحكتي والدلال للناس .. لأ شباه تشبه ناس .. للعابرين مري قبل تتلف آمالي هبوب الشمال بعض الغلا .. يذبح الرجال .. لو ما يبين صدري حديقة .. حواليها المواجع ظلال عمرك سمعتي حديقة .. تفتقد .. ياسمين؟ ناصر بن حسين
