أسألك بالله

ياحدود وبالحلا مالك حدود
وين أبهرب منك فيني يابعدي
كل ماهب الشعر لك فاح عود
وكل ماجيت أنتهي فيك أبتدي
أنتي أجمل من سكن هذا الوجود
أنتي أغلا من تسبب بجهدي
الليالي يالعيون السود سود
تشبه أحلام تجيبك وتغدي
القمر والليل ونجومه شهود
أني أسهر فيك حتى بمرقدي
جيت عندي أسئله تبغى ردود
يانظر عيني ترى طال أسهدي
أسألك بالله وش معنى الصدود
لاغدى موتي يساوي مولدي
دام حتى النقص صار اليوم زود
ما ألومك لانسيتي موعدي
ياسحابه مزنها دايم يجود
كيف أبروى والثرى خان أبردي
يا أول حدود الوفا وآخر حدود
لو يغيب سهيل وش ذنب الجدي
جيت شاعر ضايقٍ فيه الوجود
جيت أكحل فيك عيني برمدي
جيت أبقطف لك من أغصانك ورود
جيت أظلك تحت ظلك وأهتدي
يحرسك ربي من عيون الحسود
ولعي نارك بصدري وأرقدي
داخلي صيحة كما صيحة ثمود
ورث من جدي وأبعطيه أوِلدي
والله أني ماني أنسان جحود
لكن همومي حدتني لك حدي
وياحدود المسأله ماهي حدود
البلا لاضعتي وأنتي في يدي
منصور الرويلي