أكبر خطر في مملكتنا الحبيبه لا صرت ماشي في طريقك بعارين من يترك نياقه ترى الله حسيبه وش ذنب من ماتوا تراهم بريين؟ انفوس راحت .. والسبايب عجيبه إهمال.. والإهمال مرفوض بالدين ضيف الله عبيد البدراني – رياض الخبراء بالهون .. بالهون يالسوّاق ترى البعارين قدّامك الراعي ليته لها لحّاق من عقب ما نامت أعيانك سبحان ربّي الخلاّق كوده يحقق لك أحلامك عبدالكريم عبدالرحمن السلّوم – القرائن كمٍّ إعاقه في كثيرين ظلّت وكمِّ طريحٍ راح عمره حسوفي وكم نفس لاقت حتفها ما تهنّت ما قلت موتٍ تحت حدّ السيوفي هذي دروب الموت للموت غنّت رغم الذي أنفق بها من ألوفي دونك طريقٍ به بعارين حلّت مع ضيق عرضه ماوضع له كتوفي فيه انحداراتٍ للأعصاب شدَّت ولا أقبل سواد الليل محدٍ يشوفي ناصر جمعان آل عوض - وادي الدواسر الخط خطرٍ وزوّد الطين بله أباعرٍ تقطع عليه المسافات نسمع مراراً واحدٍ صادمٍ له ناقة وحطت اسرته في مُعاناة لو به غرامة لسيبت النّوق والله ماشفت ذود إلا عليه الحراسات سعود عبدالعزيز الهزاع - نعام هذا الخطر واللي يسبب وفيات هذا البلاء لامن قلنا الصراحه تجاوز وطلعه وخردة ونيتات وماداسن البنزيم يمشن براحه لوقابلن موتر مكيم ومنشات ومامداه ياقف كان صارت مناحه حادث شنيع وكلهم بالهواء مات وكان العصر صلوا عليهم بساحه عبدالكريم النغيمشي - لوذة ما عاد لك درب ودر هامك اليوم مع الطريق اللي تجيه المواتر لا شفتكم بالخط ما نيب مليوم اضرب هرن واقول يالله ساتر لو فيه واحد مسرعٍ صار مضيوم راحت حياته وش تفيد الدكاتر حمد عبدالله الوايلي - حوطة سدير هملان ماهيب مرعيه وأظن ماهيب ماسومه أخطار تسعين فالميه كم واحدٍ سببت يومه شجعان سعود المقاطي - الرياض راعي الحلال اللي على الخط محتال لا تتركونه يفعل اللي يريدي ازهق نفوس والسبب كثر الاهمال لامن رقابة في عناده يزيدي يلزم غرامه صارمة مابه اجدال والحل ما يخفى وياجب سديدي محمد عبدالعزيز الخنيفر - اشيقر من نشتكي له يا هل العرف والشان من يحمي أرواح البشر يا جماعه البل فوق الخط قدّام الاعيان تمشي وراعيها قليل استماعه رحنا ضحايا بين ميت .. ومرضان والروح تغلا ما هي مثل البضاعه خالد ناصر المخيمر - روضة سدير رسالة النّصار بالفن .. وإبداع تناشد اللي مهملينٍ دبشها البل مفلاها على النفد.. والقاع مراكز السكان تلقى بدلها واللي تمرّد بالفعايل ولا طاع ترى النظام ان فعّلوا له ردعها احمد السمحان - الزلفي ترى الدروب المهمله تتعب الناس فيها المشاكل .. والعنا .. والخطوره بعض البشر مهمل ولا عنده إحساس يا من يرد الصوت ويوقف شروره حوادثٍ وسط الطرق ما لها قياس لازم من المسئول يثبت حضوره ريان محمد الخنيفر لوحة على كيفك ومنظر طبيعي نفود مع خضرة وشيٍ خيالي الإبل جاز لها طريقٍ وسيعي يا زين وقفتها .. وزين الحلالي أخاف من حادث قوي.. وشنيعي عقب الهناء تكويه سود الليالي عثمان إبراهيم الرشيد - الرياض صورة العدد السابق
