ملتقى الشعراء

قصيدتان الأولى بدع للشاعر احمد دلي الهزاع والثانية جواب للشاعر نايف كسار الجزاع
الصوت: أحمد الهزاع
صغيرة السن دلوعه ورعبوبه
اجمل صفات الانوثه بنت تجمعها
لاسلهمت رحت بين احظان غيبوبه
وشلون لاشفتها والاذن تسمعها
ياحظ منهي نصيبٍ له ومكتوبه
قصايده في حضور الحسن يرفعها
شعلة جمال القصيد وفاتحه بوبه
هي العسل لابغى شاعر يدلعها
من الحسب للحسب هالبنت مصبوبه
ياحظ حرفٍ خذى منها ويسمعها
ياناري اللي تحت ضلعين مشبوبه
ماساقني غير ناري يومي اتبعها
وانا ترى ثوب لكن غير عن ثوبه
طبايعي غير عن حضرة طبايعها
رغم انها غير مرتبطه ومخطوبه
وماتحمل براسها وجةٍ لواقعها
اناخطايه من الاسلاف محسوبه
مادنقت عمةٍ من جد رافعهاٍ
القمه اللي بنوها طوبةٍ طوبه
اما رقت فوق والا مانرجعها
خذيت انالشعرمن عمقة ب مسحوبه
ولالقيت الدرر مع اني اجمعها
يانايف الشعرضاع الشعر ودروبه
كيف الجزيله هزيلة وزن تتطلعها
اما من الشعر نبصم بصمة التوبه
والا معي ساحة الشعار نرجعها
كم شاعرٍ قال ولسانه من ٍجيوبه
يجيه حس ٍ ب قدر ارقام يودعها
تشوفه الكل ماحدٍ قال باعيوبه
ابصار عميت ولاتشعر مسامعها
قصيدتي وثقت باعقول مكتوبه
وخطت على قامة القمة شوارعها
يوم ابتدت هالقصيده عند رعبوبه
وطاوعتها غصب وارخت لي مسامعها
صدى: نايف كسار الجزاع
صغيرة السّن مهما قلت رعبوبه
جزايل الشعر توحيها وتسمعها
ياصاحبي لا ترجعني بعد توبه
وانا عقلت الركايب عن مطامعها
صحيت مشاعرٍ كانت بغيبوبه
وانا مقفل عليها من .. مجامعها
ذيب الشعر قام ينهش طارف جنوبه
وبنات الافكار فلت لي شوارعها
وقام يتخير خيال الفكر باسلوبه
معانيٍ تطرب الاحياء مسامعها
اللي براسي قبل لا اقول مكتوبه
من قبل لا اقولها حسيًت م اروعها
لو قلت معك الصحيح الوقت عذروبه
ناسٍ تحوس المشاعر في تصنعها
رجّال عقلة صغير وساتره ثوبه
لله در ... الثياب ودر .. صانعها
ليا هرجلك كشفلك سر .. محبوبه
كل الخفايا بشعر الخبل يطلعها
سلطان عصره هل التطبيل غروبّه
مصدق انه ليا مالت .. يسنعها
لذلك الحل ي احمد نعلن التوبه
نبيع احاسيسنا .. والا نوزعها
هم مادروا ان روح الشعر ودروبه
وهبة من اللي معك ي احمد مجمعها