عواكيس

* الاخ معوكس: وش رأيك بالاعلامي اللي قال انه تاب عن ميوله ثم عاد وكشف عن تعصبه.. وعقليته الصغيرة.. اين الحياد والمهنية التي يتشدق بها؟
راشد الدوسري- الخبر
- يتشدق بالمهايط ويستخف دمه وياصبر الأرض عليه!
* الحبيب ابو العواكيس .. يقولون انك تهدد بالاعتزال وان ماعندك ولاء للمهنة وان ولائك لبعض الاشخاص؟
فهد العنزي- تبوك
- وانت تبيني مع موضة هاليومين لبعض الحكام اللي يهددون ولا أحد درى عنهم!
* الاستاذ معوكس طمنا عن وضع المنافسة،، وهل لديك ملاحظات على الذات العام,, ومتى نراك عضوا في احدى اللجان تعدل وتبدل خصوصا انه نما الينا ان لك علاقة ببعض مدراء المكاتب؟
سعد الشهراني- ابها
- مافيه أحلى من ملاحظة ضحكة بعض الناس الجنان ياهو متشقق من الفرحة!
* هل سبق يامعوكس وان عرض عليك أحد الاشخاص او الهوامير هدية ورفضتها من باب عزة النفس والا خمشتها غير مصدق؟
بدر العبدالله- المدينة المنورة
- ياكثر اللي يخمشون اول وهاليومين كنهم شريحة سوا!
* وش رايك ياستاذ معوكس باللي يصف بعض الاعلاميين بالمتعصبين وهو يستضيف من يسيء للاندية المنافسة،، تتوقع يجي منه شيء ويكون رافدا قويا للمهنة؟
محمد الخمشي-عرعر
- الله يرحم حاله يبي «يشتهر» لاري كينج على غفلة!
* يقولون يابو العواكيس انك هامور وان رصيدك بالبنك يكفي لابرام عقد مع ميسي وكريستيانو، تكفى ياشيخ ساعدنا وخلصنا من فلوس دي سوزا حتى لايهبط فريقنا؟
محمد احمد- جدة
- حلوة أخلصهم وين المواعيد المعسولة والرواتب الاربعة ولا غرقت في السيول؟
* ماهو تفسيرك ياخ معوكس لما يحدث لسامي الجابر وهل ينطبق عليه شطر بيت الشعر (وظلم ذوي القربى اشد مرارة).. وين رجال الزعيم الذين كانوا حصنه المنيع قدام اي اساءات ضده؟
يوسف حمد- بريدة
- ابوعبدالله يكفيه وقفة ابوخالد!
* الاخ معوكس كيف ترى قول بلاتر (انه معجب بالتحكيم السعودي) وحنا ولا حكم واحد يشارك في كأس العالم 2014 ولا قاد مباراة نهائية في اي بطولة اسيوية؟
عبدالله السويلم- الرياض
-وانت يابو سويلم مصدق أنه قال الحكي ببلاش وفبرك يامفبرك!
* استاذ الاعلام والنقد والادب والخفة الدم معوكس ممكن تشخص لنا علة الهلال.. وهل هي فنية ام ادارية، واذا كانت ادارية ليش ما يصلحون الوضع والا يمشون؟
الهلالي مصعب الشمري- الدمام
- وين يمشون وماعندهم ممشى في العريجا كلها مطاعم شاورما ومثلوثة!
* صاحب العشرة ملايين رسالة معوكس من المذيع والحكم والاعلامي الاقرب الى قلبك؟
صالح التميمي- الرياض
- ماغيره أخوي صياد اللي كلها مسألة وقت وتشوفه يقدم النشره الجوية!
*الحبيب الظريف معوكس وش قصة ذا المذيعين والاعلاميين اللي تسابقوا على موائد الافراح ياهم مشجعين ومشافيح.
بندر العصاي-عنيزة
- مشافيح ويتسابقون على التصوير والمفاطيح!
*قاهرهم وحابس دمهم معوكس: ودي أهدي لك البوم ولاأختصرها بأغنية الوسمي العنكبوت شكلك قروي ماقد سمعتها ولا أنا غلطان؟
أحمد الحمد- بريدة
- لا بسط مانتاب غلطان أنا مأعرف لا العنكبوت ولا أم عشيش اماالوسمي فيذكرني بالربيع والزبيدي وفلة الحجاج!
*الغالي بالحيل ابوالعواكيس: وداعة الله يااستاذ الفن والفكاهة الصحفية وخفة الدم أنا رايحة على المريخ ماتوصي بشي شكل بدري عليك تروح المريخ القمة ماتتسع الا لواحد؟
عاشقة الموج الازرق
-اجل المكوك الفضائي موستنق باب واحد !
*عزيزي معوكس ماتعليقك على الخبير الخرطي اللي يخوف فريقه من الحظ معقوله خايف الى هالدرجه ماهوب واثق؟
فهد العبدالله-الحمراء
- الا فريقه اللي محظوظ ماجاب بطوله الا عقب ماقضبوه الدائري الغربي!