مات الذي وسع حدود الحرمين

هبت على الأمه عواصيف الاثنين
عواصف الحزن المريره على الفهد
بعد أذاعوا بالرحيل المذيعين
وتلاوة القرآن قلنا الخبر جد
تناثرت عبراتنا والخبر شين
والحزن خيم والأسا عندنا اشتد
حزن الفراق إفراق رمز السلاطين
اللي على الشدات يقسا ويشتد
هول المصيبة خلت الناس باكين
إشيوخ والشبان وأيضاً هل المهد
فجيعة تذهل إعقول الحكيمين
الموت سنه لكن الفهد يفقد
مات المليك اللي رفع راية الدين
خادم بيوت الله والكل يشهد
مات الذي وسع حدود الحرمين
وبكل متر فيه داعي ومرشد
مات الذي يمسح دموع المساكين
مات الذي ماله شبيه ولاند
مات الذي مرعب إنفوس العدوين
رحمه على شعبه ونار على الضد
ما نحصي أعماله بجمع الدواوين
لو العمر كله نعدد وش تعد
واجبر عزانا في وجود العضيدين
ربان مركبنا عسى العمر يمتد
إمبايعينك يابو متعب مطيعين
على كتاب الله وسنة محمد
أمال عزتنا بهاك الحجاجين
نصر العرب والدين فيهن يعقد
ياسيدي أمر ترى مستعدين
ومعاهدينك بالولاء يد باليد
وولي عهد المملكة درع وأمين
حكيم وأمينن على ولاية العهد
وآل السعود الطيبين الميامين
إظلالنا في الحر وإلحاف في البرد
ويالله تحمي أرض نخله وسيفين
في ظل أبناء العظيم الموحد
وصلوا على من وضح الحق والدين
رسولنا شفيع الأمة محمد