عظم الله أجرنا وأجر الجموع

فاضت دموع الرياض وهز حزن طويق طوله
وامتلا صدر القصايد حزن من حزن الجزيره
من يلوم الشعر لو يعلن من الصدمه ذهوله
من يرد شعوب لا تبكي وحسرتها كبيره
الخبر ما هو بسيط وفي جيه الناس هوله
والفجيعه في فقيد المملكه في كل ديره
عظم الله أجرنا واجر الجموع اللي بكوا له
واجبر الله كسرنا والا الفهد موته كسيره
خادم البيتين مهما قيل ما تحصى فعوله
سيرته ما مثلها في صفحة التاريخ سيره
الزعامه والكرامه والشهامه والرجوله
والقياده والرياده والاراده والبصيره
رجل علم ورجل سلم ورجل حلم ورجل دوله
كان قوه كان أبوه كان عون وكان جيره
كان عقل وكان ثقل وكان فعل لما يقوله
كان عزم وكان حزم وداعي الخير وبشيره
كان قلبه ساحة امجاد وطموحات وبطوله
كانت ايدينه مثل غيث روينا من غديره
كان حول الشعب كله كان كل الشعب حوله
ياكثر من كان ينعم ما حد يعلم بخيره
منجزات ومكرمات وتنميه في كل جوله
كانت دروبه ربيع وكانت ايامه سفيره
حكم القران شرع ومنهجه سنة رسوله
وامة الاسلام في كل المواقف تستشيره
يثبت ايمانه حنانه والبساطه والسهوله
كان فخر وكان ذخر وكانت افضاله كثيره
يالله انك تستجيب دعا العباد اللي دعو له
ويالله انك من عذاب القبر واهواله تجيره
ويالله انا طالبينك في رضاك وفي قبوله
ودم علينا امنك وايمانك وفضلت والستيره
والولاء والسمع والطاعه على الدين واصوله
للملوك اللي على نهجه يقودون المسيره